Iragan neskenegün goizan, Ligiko salan egin ziren Xiberoko Botingoako ehizketako kabana eta lepoen antxeak. Arrakasta gütti ordüan, alokaidatzeko ziren hogei ta hamasei kabanetarik erdia baizik ez beita hartürik izan eta hogei ta hameka lepoetarik sei. Alta, 2015eko prezioeri konparatüz, antxeren abiatzeko prezioak %30ez apaltürik ziren. Bürdinolatze izan da lehia sortü düan lepo bakarra, antxera 21000€-tan abiatürik da eta 24500€-tan joan da azkenean, 2015ean 30000€tan alokaidatürik izan zelarik. Orai ehiztariek, maiatzaren 18a artino düe gütün axaletan proposamenen helarazteko Xiberoko Botingoari, oraino alokaidatürik ez diren kabana edo lepoen ükeiteko. Sylvain Ayphassorho botingoako ordezkaria :

Setemerearen 16,17 eta 18an, CORAM, Bortüko Leküko arrazen kolektiboak antolatürik, Urdiñarbeko ardi zentroaren parte hartzearekin. Egünaldi horien helbürüa da, bortüko kabale arrazak eta artzaingoa hunkitzen dütüen problematika güzietaz gogoetatzea. Bortüko arrazak eta genetika, artzaingoa eta gaurkotarzüna, ekoizpenen garapena, artzaingoaren iraunarazteko nola lagünt eta süsta dirateke hiru egünez gogoetatüko diren aipageiak. Desire Loyatho Urdinarbeko ardi zentroko bürüa :

Sohoren eramaiteko maneretaz, lehiaketa bat antolatzen dü departamentüko laborantxa kanberak. Helbürüa delarik erakustea zoin aberastarzün izaten ahal den üngüramenarentzat ; lantare desbardinak edo ere, zerrailüak badirelarik. Lehiaketa hontan parte hartzen ahal düe Basabürüko laborariek eta izenek eman behar dütüe hebentik goiti ; maiatzaren 20 etik eta arramaiatzaren 10 eala epai mahaina jinen da sohoen ikustera eta leiaketaren emaitza plazaratüko da Atarratzeko gazna feidan, agorrilaren 16an. Parte hartzeko lehiaketa hontan izenek eman behar dira, Jean Marc Aranz-eri 07 77 34 38 69 edo Marie Claude Mareaux-eri 06 24 42 59 54. Jean Marck Aranz :

Geroago eta haboro ondarkinak bestelakatzen dira Mendixkan, Xarrikota pean den ondarkintegian. %80 berziklatzen da eta %20 lurperatzen delarik. 2014an sortü zen Mendixka, Eüskal Herri barnekalde eta biarnoko parte baten, ondarkinak biltzen dira Xarrikota pean, orotarat 18169 tona. Etxetako ondarkinak dira biltzen, parterik handienarekin lür beltza ekoizten da, plastika Zaragozarat joaiten da enerjia egiteko eta bürdüina ere berziklatzen da. Mendixkan batzarria egiten da püblikoari eta berezki eskoler, helbürüa delarik ondarkinen behesketa erakustea. Dominique Boscq :