Laborantxa sailean lan egiten düen 150 jente bildü dira Maulen, üda hontan eraman düen gogoetaren bildüma egiteko. Estatüak, TIGA izeneko deialdi bat egin dü eta Eüskal Hirigüne Alkargoak egitasmü bat presentatüko dü laborantxaren bermatzeko. Laborantxako egitüra edo alkarteek parte hartü düe gogoetan. Orotara, 50 miliu euroko sos lagüngoak ükeiten ahal dirate, dosiera honartürik izatearen kasüan. Baldintza nausia da berrikuntza ekarri behar dela. Egitasmüa, setemer ondarreko igorri behar da eta urte ürrentzealako jakinen da honartürik denez edo ez. Mixel Etxebest Eüskal Hirigüne Alkargoako presidentordea :

LPO edo txorien zaintzeko eta kondatzeko egitürak bere lana jarraikitzen dü Xiberoan azken 40urte horietan. Iratin den Organbidexkan altexean badü beren egongia non ere kontatürik diren gure eremüan beti danik iragaiten diren 80bat txori mota ürzo ,kürlo, ulantx , arrano eta beste builtre. Ximun Uthurralt hüllantü da gaine hartan ikusteko nola antolatzen diren bai eta zer den beren ofizioaren zerbütxüa : Etienne rogeau Lpo-ko langilea:

Maidalenako Etchebarne Ajiaren gazna da Xiberoko ardi gazna hoberena !! Hori dü deliberatü Atharratzeko gazna feidaren epai mahainak goiz hontan. Bigerren leküan Hoki jauregizahar eta hirugerren Pitrau Erbinia heltzen dira. Beste hiru kategorria agertzen ziren : behi gazna (1chouhourt 2pacheu 3estanguet), bortü gazna(1phordoy2naboleguy3thebaut) eta biarnoko gazna(1hondagneu2laher3lahonta), ahatze gabe ardail lehiaka. Gazna feidan Importantena zen bardin , jentea saldoan jin dela eta gazna oroetarik txeste bena geienik erosi düala. Benat Larrory han gunean bere mikroaren luzatzeko :

Atharratzeko bestak abiatzen dira ostegünetik aitzina Gazna Feidarekin. Urte oroz bezala, parada izanen da gazna egileentako beren gaznen txestarazteko eta ahalaz saltzeko Atharratzeko plazan. Epai mahain bat ere jüntaüko da haütatzeko 20 bat parte harzaleen artean zoin den gazna hoberena. Azken hiru urteetan abiatürik ere ardien bazkatzeko belharra edo ardaila analisatüko da ikusteko bakotxaren janariaren kalitatea. 10 orenetarik aitzina gazna txestatze, gazna egite edo orano arrestiriko pelota partidak izanen dira. Jean Arnaud Etchebarne: