Eüskal mendialdean parke natüral baten egiteko erabaki da Garazi-Baigorri Lürralde Ordezkaritzan bildü den, Euskal Mendiaren gidaritza batzordean. Iparraldeko 4 mendi botingoetako, Akitania Berria Esküaldeko eta Eüskal Hirigüne Alkargoako haütetsien artean hartü da erabaki hori. Ipar Eüskal Herriko mendialdean, 111 herri dira sartürik eta azken 15 urte horietan algarrekin lanean ari dira, Leader egitasmüaren ildotik. Orai ürrats bat haboro egitea deliberatü düe, Parke Natüral baten egingeia ikertzez. Lehen gogoetaldiak urte bat iraünen dü eta ondotik herriek erabakiko düe aitzina jarraiki nahi düenez ala ez, 7 urte iraünen düan ikerkaldi  batentako.
Pepela Mirande :

Bosgerren aldikoz, ASG Gaindaintarrak alkarteak antolatzen dü lantareen merkatüa, maiatzaren 14an, trinketaren gibelean. Hor badateke baratzekako tresnen erosteko parada, bai eta lantareak ere. Goizan, Benoit Laborde, Paueko Henri IV.a jauregiko baratzekariak, mintzaldi bat emanen dü, honen geia datekealarik: « baratzea nola joanaraz puzurik ezarri gabe ». Sylvie Bafalliok, berriz, Garindaineko üngürü bat proposatüko dü 25 bat jenter, lantareetzaz mintzatzez. Zoin lantare krema gisa erabil, zer tisanaz edaten ahal den eta beste esplikatüko dü. Merkatü lekü hortan berean, mozkinekilako bazkari bat badate egüerditan eta haurrentako, aldiz, parpiñatze ikasgia zonbait badirateke
Xehetarzünak emaiten deizkü ASG gaindaintarrak eko Dominique Casenavek:

Amatik kooperatibak Lacaune axurien saltzeko plantatü zen düala 7 urte. Eta igaran urtean ezagügarri edo label gorria üken dü. Bena bada 30 urte Xiberoa, Baxenabarre eta Biarnoko hainbat laborari Lacaune arrazarekin ari direla lanean. Hatsarre hartan, 100 laborari hasi ziren 27.000 lacaunerekin. Orai 52 etxalte biltzen dütü Amatik kooperatibak. Laborari horiek ardi arrazaz kanbiatzea deliberatü züen genetikaren aldetik aitzinatürikago beitziren, eta ezne haboro emaiten beitzüen. Orai kooperatibaren xede berria da axurien karkazarekila saltzea.
Xehetarzünak oro Amatik kooperatibako Marie-Christine Pinquerekila:

Atzo goizan, Domintxine, Gabadi eta Barkoxeko etxalteen jabeek, bai eta ELB sindikatak, Pariseko ordezkaritza batekin züen bilküra gaixki igaran da. Bakoitxa bere plantan egon da eta elkibiderik ez da atzaman. Hiru etxalte horietako oiloak eta ahateak beti ehorik izateko arrisküan dira eta horren kontre ELB-k bühürtzen jarraikitzen du  (izenpedüra bilketa heben).  Hortarako, ostirale hontan dei egiten dü alkarretaratze handi batetara Domintxineko plazan. Laborari, langile, kontsomazale, aüzapez, ororer dei egiten dü 10:30etarik 14:00etara han biltzeko. Algarganatze hortan, ahateki eta arrautze muleta jateko badate.
Pampi Sainte Marie ELB sindikatekoa :