Ekologia, Garapen Iraünkorra, Karreatze eta Alojamentüko Ministeritzak, 9 gerren aldikoz Garapen Iraünkorraren astea plantazen dü. Aurtenkoa, apirilaren 1etik 7ala eginen da. Honen kari, enpresek, alkartek, zerbütxüek, egitüra püblikoek eta ikastetxeek ekitaldi andana bat antolatüko dütüe. Horietan, bi ekitaldi antolatüko dira Xiberoan : Bixta-Eder laborantxa lizeoko ikasleek ondarkinetaz egin düen lana presentatüko düe, hala nola ondarkinak arrabaliatzez egin dütüen artelanak. Eskü lan horik Mauleko merkatüan erakutsirik izanen dira apirilaren 2an. Bestalde, Xiberoa Herri Alkargoako Eüskara eta Ondarkin zerbütxüek algar lan bat eraman düe ondarkinetaz hiztegi ttipi baten plazaratzeko, ikastetxe, herriko etxe, prentsa eta irrati ezbardinetan ber hiztegi erabilirik izan dadin. Hiztegi honen presentzionea eta emaitea Apirilaren 7an eginen da, Atarratzeko ondarkin bereixgünean, arratseko 7etan.

Entzün Maite Davant Bil ta Garbiko animazailea eta Maritxu Lacarrieu Xiberoa Herri Alkargoako Eüskarazko teknikalaria :

Hartzik sararaziko ote dea aurten erranik izan den bezala ? Üdüriala ez, hola uste dü Alain Iriart Bortüko Hazleen Defentsako Alkarteko lehendakariak. Alde batetik, bozkak beitira eta bestaldetik berantegi izanen beita, üda ala larrazkena ez beitira sasu egokiak horren egiteko. 2012a lehendakarigoako bozkak izan beitira, ez dü ikusten nolaz ausartüko diren hartzaren laxatzeko dagün urtean. 2010ean hartzaren kontre egin diren mobilisazioneen bildüma egin da alkarteko biltzar nausian, haütetsü andana baten aitzinean, bozka kanpaina behartürik.

Entzün Alain Iriart Bortüko Hazleen Defentsako alkarteko lehendakaria :

Hogei urtez nahitara, püblikoari bijitak debekatü ondoan, Urdiñarbeko ardi zentroak bere bortak zabaltüko dütü, apirilaren 8an, bere biltzar nausiaren kari. Ardi zentroko kideek azkenean ikusten ahalko düe, zer maneraz lan egiten den hebenko ardi arrazen hobetzeko. Eskola ezbardinetako hanitx ikasleek ere galdegin düe zentroaren bijitatzea eta honen kari parada eskentüko zaie. Urdiñarbeko Ardi Zentroak ezinbesteko lana eramaiten dü azken 25 urteetan hebenko ardi arrazen hobetzeko, eznearen kantitateari eta orai kalitateari lehentarzüna emanez eta eritarzünen kontre güdükatzeko ikerketa garatzez.

Entzün Jean-Michel Bide Urdinarbeko Ardi Zentroko lehendakaria :

Azken egünetako Japoniako gertakariak nüklearraren üngürüko eztabadak berpizten dütüe. Mündüko 3 gerren indarra handizki kolpatürik da. Lürrikara, tsunamia, zentral nüklearretan istripüak eta ekonomia mailako ondorio larriak, sail hanitx hunkirik dira eta historian gertakari harrigarrienetarik bezala ikusirik da. Alemaniak lüzamen bat edo moratorio bat plantan ezarri dü nüklear indarrean eta zentrala zaharrenak zerratü dütü. Frantzian izan dadin UMP edo PS alderdien aldetik, nüklearratik elkitzea ez dela pentsatü behar ere erraiten da, eta kontre diren alkarteek beren botza nahi düe entzünarazi. Martxoaren 18an Baionan Victor-Hugo karrikan eta Maulen kürütxe xurian 18etan, algarretaratzeak antolatürik dira "Nüklearretik elkitzeko" oihüstatzearen aitzinarazteko.

Entzün Marc Saint-Aroman "Sortir du Nucléaire" sarekoa :