Europe Ecologie zerrenda ekologistarekin ürrentzen dügü eskualdeko haütageien aurkezpena. Alice Leizagezahar zerrendako haütageiak erran deigünaz, beren lehentarzünetan da leküko ekonomia "ttipiaren" aküilatzea , eta ber filosofiarekin, laborantxaren leküko ekoizpenak leküan berean saltzea. Hortaz gain, Europe Ecologiek xedea agertü denetik bezala, abiadüra handiko trenbide berri baten xedea ez dü hüilanik ere honartzen.
Lürralde erreformaz berriz, entzün Alice Leizagezaharrek erran deigüna :

Aiziritzen bildü dira laborari sindikateko kideak iragan astean. Laborariak iharrausi dütüan krisiaren aipamena eginik izan da, zenbaki batek argitzen düalarik ondoramenak zer heinekoak izan diren : sos sartzeen apaltzea % 40etara heltü da zonbaitentako.
Biltzar nagusiak bazüan ere haüteskunde kanpaina aide zerbait, eskualdeko zerrendabürüak kümitatürik izan beitziren laborantxaz elestatzeko. Jean-Jacques Lasserre (Modem), Alain Lamassoure (UMP), Bernard Uthurri (PS) eta David Grosclaude (Europe Ecologie) agertü ziren Aiziritzerat. Bakotxak bere iritzia eman ahal izan züan hur eta lürraren küdeaketaz, formakuntzetaz, gazteen instalazioaz... eta beste gei zonbaitetaz. David Grosclaude ekologistak bere analisa proposatü züan, erraitez krisia batetik bestealat joaiteko partez bere ustez laborantxa sistemaz kanbiatü behar zela. Bena ideia horrek ez dü arrakastarik kausitü FDSEAko kideen artean.
Entzün FDSEAko Patrik Etxegaraien alkarrizketa :

Irakurri gehiago ...

Lur Berri kooperatibak geroago eta haboro enpresetan sartzen dütü kapitalak. Iragan asteazkeneko (barantailaren 24) biltzar nagusian, azken sos ezarteen berri eman düe bürüzagiek. Hasteko, laborarien artean miliu bat euro partekatü düe xede berrientako, izan dadin ekoizpena, garapena ala salmenta hobetzeko. Sos hortaz gain, irabazien parte bat ere laborarien artean partekatü düe, orotarat 800 000 euro.
Bena hatsarrean erran bezala, sos hanitx ezarri dü Lur Berrik beste enpresetan. Ahateetan, ALFESCA (Labeyrie enpresaren jabea) taldearen kapitalan sartü da % 34 erostez. 2009ko maiatzean jadanik, Aiziritzeko kooperatibak Spanghero enpresa abantxü osoki erosi züan, kapitalaren % 97 hartü beitzüan ordüan.
Entzün Lole, Lur Berriren biltzar nagusian :