Artzainen eraistea ospatüko da setemeraren 24 eta 25an Ligi-Aterein. Ostiralean, gaüko 9etan Ligiko Herriko gelan, Departamentüko-Bortü Zelülak (Eüskal Herriko laborantxa lagüntza zerbütxüa, Departamentüko ardi zentroa, Etxarri eta Olorueko laborantxako lizeoa) bi urtez Xiberoko bortüaz eraman düan ikerketaren emaitzak zabaltüko dütü. Setemeraren 25an, egüerditarik 3etara, ardi saldoen eraistea igaranen da. Ardiekin Larrainerik eraitsi nahi düenentako joanjina edo "naveta" bat antolatürik date Ligirik abiatüko dena goizanko 10etan eta 10.45etan. Arrestitan oren bakotxetik 19etara, « Bortüko artzainaren geroa » Aldudarrak Bideoren filmaren hedapena, bortüko tresneria eta bazterretaz argazki erakusketak, eskülangile erakustaldiak, eta mozkin saltzaleak izanen dira Ligin. Arrestiriko 5ak eterditan Botülüzea partida, ondotik züntzür bustitzea eta axuriekin aiharia herriko gelan eta jatetxeetan badirateke. Leküen etxekitzeko deit 05.59.28.51.28 zonbakiala.

Entzün Beñat Epherre "Artzainen eraistea" egünaren antolazale bat :

Ahüzkiko artzainen besta ospatü da igande hontan. Goizan  besta mezarekin hasi da, ondotik aperitifa eta bazkaria Ahüzkiko ostatüan.  Bazter orotan jei paketa beitzen üsatü arrakasta eta jente gütigo bildü düe. Leheneko jokülari famatüak ez badira haboro agertzen jokülari berri eta gazte ikusi ahal izan da. Urte oroz bezala leheneko joküak uhuratürik izan dira : ütürriala artino lasterketa, haur eta nesken  lasterka, barraka, zanka gibel, zankarte, jauzika eta hirunazko jauzika.

Irakurri gehiago ...

IDOKIk, Behikiaren Egüna antolatzen dü ürrietaren 2an Xiberoan, Ozazeko Arotxex etxaltean. IDOKIk, mozkin desberdinak ekoizten dütüen 90 kide biltzen dütü. Horietarik 16 laborariek behikia ekoizten düe. IDOKIn, behikia egileen zenbakia handitzez joan da azken urte horietan, behi hazleek algarretatzeko eta algar trükatzeko beharra senditzen beitüe saltzeari bürüz eta kontsumitzaileer garantiak eta argibide emaiteko IDOKIk finkatü düan "Kalitate agintza" jarraikitzez. Bere lanaz argitarzün osoz ezagütarazteko Arotxex etxaltearen bortak zabaltüko dira ürrietaren 2an neskenegünarekin. Etxaltearen bijita goizanko 11etan eta arrestiriko 3etan eginen da. Bestalde, 10tarik arrestiriko 5ak arte Idoki etxeko merkatüa, gazna, ahatekia, xerrikia, erreximenta, tisana, behikia eta beste atzamanen dira. Egüerditan behikia eta etxe ekoizpenekin eginik bazkari hon bat gozatzen ahalko da. Leküak mügatürik beitira, orai danik erreserbatzen ahal dira 05 59 28 75 20 zonbakiala deitzez.
Entzün Andde eta Pantxika Uthurriague behi ekoizleak :

Gaznen feida igaran da atzo Atarratzen. Gaznak 3 kategorietan sailkatürik izan dira : biarnesak, xiberotarrak eta ahüntz gaznak. Orotarat, hamabost gazna egileek lehiaketan parte hartü düe, hona sailkapenean agertü direnak :
Xiberoko gaznetan
1. saria : Michel Andere Gat Barkoxekoa
2. saria : Francis Poineau Mitikilekoa
3. saria : Arnaud Etchebarne Agia Atarratzekoa.
Biarnes gaznetan :
1. saria Julien Lassalle Lourdiosekoa
2. saria Françoise Lagrave Hetakoa
3. saria Lechardoy Ogenne-Camptortekoa.
Ahüntz gaznetan :
1. saria Pacheu Hetakoa
2. saria Anne Lavis Arrokiagakoa
3. saria Ludovic Besset Landakoa.
Goizan, kartieleko jenteak hüllantü dira gazna feidalat, arrestitan aldiz, turistak ziren animazioak antolatürik zirelakoz : gazna egitea, ardi bixkarratzea eta beste.

Entzün ahüntz gaznen epaile bat :