Urte bat depütatü dela Iñaki Echaniz eta baliatü gira lehen bilan baten egiteko.
Asanblada nazionealean bortükaren presidentordea izanki, hazkuntza eta laborantxa geiak tratatü dütü. Oposizionean izanki NUPES alderdian, bere ustez beste gei hanitxetan bezala, gobernüak ez dütü jenten beharreri kasü egite ez eta sektoreko aktürrer.
Ondoko erronkak, hur mentsa eta otsoaren jitearen blokatzea da bere ustez, bai eta lege berri bat idazten dü gobernüak, laborantxaren programazione eta orientazionearen finkatzeko.
PAC lagungoak ere kanbiatü nahi lütüke.

Previous Next

Etxe indibidüalak 2000 m2 ko zelai batetan eraikitzera fini da !
PLUI edo Plan Local d’Ubanisme Intercommunal 10 urtentako güne eraikigarriak haütatzeko eginik dira. Horiek dütü definitzen ze oihan puska, ze laborarntxa lür, aktibitate ekonomiko edo bizigien eraikitzeko erabilten ahal diren.
2 urte jadanik ari direla diagnostika egiten :  xiberoan geroago eta jente gütiago badira, laborantxa ere ttipitzen da. 400 etxe huts badira…
Diagnostika egin ondotik helbürüak adostü dütüe haütetsiek, herri bakotxari garatzeko paradaren üztera, eta 1000 biztanle irabaztera ondoko hamarkadan.
Legeak norabideak emaiten dütü, hala nola 50 hektara baizik ez dirate kontsumitzen ahal xiberoan. Eta etxebizitzak ez dirate haboro isolatürik eraikitzen ahalko bena bai beste bizigien kantüan.
Lehen bilkura pübliko bat eginik izan da asteartean Gotainen, eta beste bat bada arrats hontan Altzain 7etarik goiti.
Ekarpenak egiten ahalko dirate hor, eta bestenaz interneten bidez dokumentü güziak ikusten ahal dira bai eta ekarpenak egiten. https://www.plui-soulexiberoa.communaute-paysbasque.fr/
Jean Peille Iriart Xiberoko poloko ordezkaria :

Euskal hirigüne Alkargoa harmonizazionez egarri da..

Huraren prezioa da nausiki eztabadatürik izan euskal hirigüne alkargoan neskenegünean.

Prezioen harmonizazione eta heineko prezioaren Goratze bat bozkatürik izan da

Denek ala kasik hunhartü badü prezioen harmonizazione bat behar zela, laborarientako eta herri ttipi zunbaitetan izanen diren goratzeak  aipatürik izan dira.

Alkargoak laborariak, indüstrialak, herriak eta herritarrak lagüntüko dütüala hur gastatzen apürtzeko segürtatü dü

Alain Iriart hiriburuko mera eta bil gaiten taldekoa: 

Emmanuel Alzuri,Euskal alkargoan huraz axolatzen den haütetxea: 

Peio Etchelecou, elgarrekin herritarrentzat taldeko bürüa: 

Ximun Accoceberry, Larrañeko haütetxea: 

Previous Next

Neskenegün goizan 90 bat pertsonak bizikletak har eta, Maule eta Ezpeize arteko treinbide ohia hartü düe.
« Les voies du saison » herritar alkarteak, "Sepanso" eta "Bizi !" xiberoa ekolojista alkarteek deitürik, Omize-pea eta Ezpeize arteko 2km bide handiko desbideraketaren egiteko xedearen kontre agertü dira.
Mobilizatü diren herritarrek, bide berriari alternatibak proposatü nahi dütüe, salatzen düe minüta bat beno gütigo baizik ez dela irabaziko.
Beren arabera, laborantxan egarik diren 4 edo 5 hektara lür hon kondenatürik lirateke, 12 familia hunkirik beren jabegoan, horien erdia laborari direnak.

Xehetarzünak René Ayphassorro-rekin: