XÜXENEAN ENTZÜN

Politika

Union Citoyenne-k bere zerrenda osatürik !

23 dira « Union Citoyenne » zerrenda osatzen düen lagünak, 12 gizon eta 11 emazte, zerrenda bürüa delatik Louis Labadot. Aurten 7. aldia da aurkeztüko, 76 urte ükenik badütü ere ez dü bere bürüa zaharregi eta iraganekotzat ikusten. Bera eta bere zerrendako lagünak, ez dira Eüskal Herri Alkargoaren alde agertzen, erebaki güne hürrüna ikusten dütüelakoz, hala ere beren ordezkaritza beteko düe eta beren iritziaren emaitera ez dira pribatüko. Agerria aipatzen zaiolarik, hüts larria dela dio, eta behar gorria balitz, zerrenda bürüak, saltzea ez dü baztertzen. Espartiña aipa lezaken günea dela eta aldiz, Labadok dio ez dela jenten arteko solasik izan. Berak dionaz, espartiña egileak eta güne hori alkar lehian izanen dira eta hori ez da hona. Egitekotan, Espartiñaren aipaldi izan behar lüke bere ustez, eta ez salgüne. Azkenik, zerrendaren ideietan « auditorium » baten sortzea aipatü da, baita alkarteekin harremantzeko arrartekari berezi bat. Louis Labadot :

Maule-Mitikileko "Xiberoko Bidea" dagün urtean bozkatüko?

Ezpeize eta Maule arteko Xiberoko bidea aspaldian aipatzen bada, dagün departamentüaren sos bozketan hots 2020. urte hatsarreko bozkatzera espero du Jean-Jacques Lasserre departamentü bürüak. Bestalde, herriek etxe legarrak galdü beitütüe, frantses gobernüak proposatü dü departamentüentako eraikinen legarrak herrier eskeintzea. Jean-Jacques Lasserre-k departamentüaren eskümen galtze hori salatzen dü ; TVA-tik sos bildüko badüe horren ordez, zonbatekoa ez da orano finkatürik eta horrek kezkatzen dü. Jean Jacques Lasserre Departamentüaren bürüa :

"Le nucléaire c'est fini" libürüaren aurkezpena arrats hontan Prefostan

"La Parisienne Liberée", kantore egile bezala famatürik bada zonbaitentako, aldi hontan idazle gisa horra zaikü. "Le nucléaire c’est fini" izeneko libürü bat argitaratü berri dü Frantziako parke nüklearraz argazki baten egiteko helbürüarekin. Nüklearraren üngürüan emaiten diren gezürrak eta beste hainbat adibide aipatzen dütü, agitü diren gaüza historiko zonbaitetan oinarritüz. Hala nola Lemoiz-en agitütakoari kapitülü bat eskeintzen dio. Libürüa edonorentako eginik da eta aisa da irakurtzea. Ez da gai hortan jakintsü izateko beharrik. Honen aurkezpen bat eginen da ostiral hontan 8ak 30 etarik goiti Prefostan, Atarratzen. Ez da zentzü bakarran izanen den aurkezpen sütsü bat, Nüklear istripü batek xiberoan zer ondorio ekarri lükean aipatüko beita eta lüdikotarzün zerbait ezarriko da bideo ttipi zonbaiteri esker. Prefosta galtoak egiteko parada badate. La Parisienne Liberée ( Fleur ) :

Komünikazio kanpaña hütsan piper eta gatz !

Mitikileko Elhar etxaltean hitzordü bat antolatü dü Jean Jacques Lasserre departamentübürüak, azpimarratzeko departamentüak urte oroz 600.000 euro emaiten düala G.D.S sanitario sailari. Hitzartzeak egin ondotik, artegi ta barrüküa bisitatürik izan dira, argazki ejerren egiteko ; ezen komunikazio kanpañaldi hori « Sanitaire, le departement au plus près des agriculteurs » deitzen beitzen. Bisita departamentüaren alteko propaganda hütsa bazen, zonbaitek laborantxa modeloa bide txarrealat bürüz joaiten dela salatzeko baliatü düe. Jean Jacques Lasserre departamentübürüa:


Gérard Sahores Elhar etxalteko laboraria :

Arño Ajia laboraria, ta piper eta gatz ekarlea :

Guy Pémartin GDS'bürüa:

Agerriaz, bedezi eskazaz eta Legar Etxeaz eztabaidatü da Mauleko kontseilüan

Mauleko kontseilüko bilküran aipagei nausiak izan dira bilküra ürrentzean, hala nola Agerria hotelaren egoera, bedezi eskaza eta horrek sortzen düan arrenküra eta ere legar etxearen zerratze mehatsüa ! Agerria hotelaz bilan bat egin dü Michel Etxebest-ek, erranez hotela ontsa ebilten zela bena jatetxean ez zela oranokoan ekipa finkorik. Beñat Elkegaray-en ustez sos hanitx galtzen da güne hortan eta ez dü honartzen orai den ibilmoldea herriko etxean, bere ustez ez da informazio osoa emaiten. Bere aldetik Louis Labadot-k ospitaleko egoera eta bedezi eskaza aipatü dütü , gobernüaren politika salatzez eta bereziki ARS, ospitaleak kudeatzen dütüan egitüraren joka moldea. Michel Etchebest :


Beñat Elkegaray :

Louis Labadot :

Ausaz

Kronika

Emankizüna

Artxiboan