Aitzin kontüak bozkatürik izan dira Mauleko Herriko-Etxeko kontseilüan. Obretan izatez, Herriko-Etxeko gela nausi arraberritüan egin da bilküra. Beste aipageietan, P.L.U edo hirigintzako planaren arraberritzeko xedea düe, azkena düala sei urte izan zelarik.  Bestalde, Agerrian segürtantxa lanak aitzina doatza, lotizamentü xedea ere bai eta ihiztegiarentako ondoko sasuan ikusi beharko. Prefosta, Mauleko ospitala aipatürik izan da ere, bantailaren 20an berri haboro jakin behar lükee bena Mixel Etxebest aüzapeza gustian eta sineskor agertü da, alde batetik, azken urteetan kontüak sano zirelakoz eta bestetik, beste ospitale zonbaitetan ber arrenkürak üken beitütüe aurten ere. Azkenik, jakinarazirik izan da Daniel Mainhaguiet Mauleko kontseilüko zinegotseak bere kargüa utzi düala.

Entzün Mixel Etxebest Mauleko aüzapeza : 

Barrikadak hiru probintzietako hiri eta herri ezbardinetan martxoaren 3an neskenegünarekin, Eüskal-Herriko lürralde baten alde. Azaroaren 18 eta 19ko aste ondarrean egin zen "Herritar Foroen" arakastaren ondorioz, bigerren ekintza horren eramaiteko prestatzen ari dira Baterako kideak. Ekintza horrek bi helbürü lüke, lehenik barrikader esker Eüskal-Herriko lürralde baten egoera erakustea, erran nahi beitü ezin aitzinatüz den gei bat dela. Bigerrenik, ahal bezain jente informatzea eskü paperen bidez eta ahal bezain bat jente izatea barrikadetan, xede hori sustengüaren erakusteko. Ürrentzeko, "Haütetsien Biltzarrak" Eüskal-Herriko lürralde baten alde edo kontre direnez, bozkatü beharko düe barantailan.

Entzün Joseba Garai Batera plataformako kidea : 

Frantziako lehendakaritzako bozken lehen ützülia iragan arte, UMPek ez dü haütageirik ezarriko departamentü hontako 2. eta 4. lürraldean, hots, Modemeko Bayrou eta Lassalle haütageien eretzean. Departamentü hau lüzaz bi alderdien artean eramanik izan beita, ez dü arrazurik ikusten estado mailan gisa hortarako akordioen egitera Modemarekin. UMParen indarra ahültü dela departamentüan aitortü dü ere. Arrazua, hebenko arrenkürer ez aski beha egoitea bereziki Eüskal-Herriko ezagützan, UMPa gor izatea. Bere aldetik, Eüskal Preso politikoen hüillantzearen alde agertü da.

Entzün Marc Oxibar UMPko kidea : 

"Okzitandarraren Erakunde Pübliko" baten sortzeko gogoetak eramaiten ari dira, Akitania eskualdea mailan, Midi-Pyrénées eskualdearekin, besteak beste. Nolako erakunde izanen den, nola küdeatüko den eta zer arloan lan eginen düan argitzen ari dira. David Grosclaude Akitania eskualdeko Biarnes kontseilüak erran deikünaz, üztailan proposamen bat zabaltüko da Rodez herrian eta esperantxa dü 2013an erakundea sortüko dela. Eüskal Herri eta Bretainako adibideak eredugarriak izan direla gehitü deikü, bena beren kasüan zailago agertzen da xedearen aitzinaraztea, okzitandarrak eremü hanitxez zabalagoa hunkitzen dü, departamentü eta eskualde bat beno haborotan hedatürik da.

Entzün David Grosclaude Akitania eskualdeko Biarnes kontseilüa :