XÜXENEAN ENTZÜN

Politika

Jacques Sarraillet, Léonie Agergarai, Gilen Iriart eta Argitxu Camus."Eüskal lürralde alkargo baten sortzearen alte zireia ?" Hala dio Batera plataformak martxoaren 14an antolatü herri kontsültan pausatüko düan galtoak. Horra zoin herrietan izanen den parte hartzeko parada :
Pettarran :
Altzürükü, Barkoxe, Berrogaine-Larüntze, Sohüta, Ezpeize-Ündüreine, Eskiula, Gotaine-Irabarne, Idauze-Mendi, Maule, Mitikile, Muskildi, Urdiñarbe eta Bildoze-Onizepea.
Basabürüan :
Aloze-Ziboze-Onizegaine, Gamere-Zihiga, Lakarri-Arhane-Sarrikotagaine, Liginaga-Astüe, Larraine, Ligi-Atherei, Lexantzü-Zunharra, Ozaze-Zühara, Zalgize-Donaztebe eta Atharratze.
Mahainüngürü bat ere antolatürik da dagün astelehenean (martxoaren 8) gaüko 9etan Mauleko zinema gelan. Elestatüko dira Mixel Etxebest, Jean-Peille Iriart, Bernard Lougarot eta Pepela Mirande.
Entzün Xan :


Xehetarzün haboro heben klikatzez.

Mauleko kontseilüa, iragan ostiralean.Mauleko herriko etxearen azken kontseilüa iragan ostiralean izan zen. Urte hatsarreko aitzin-kontüak bozkatü zütüen, eta aipagarriena da sos ezarten jarraikitzea deliberatü züela. Horrekin batean, legarren goratzea ere jinen da, % 1.5ekoa xüxen izateko. Sos ezarte horiek bideetan ikusiko dira berriz ere, eta beste lan xedeetaz gain, kirol zelaietan ; rügbiak aldagela (vestiaire) berriak badütüke, eta futbol ala zankobaluak egoitza berria. Erreka bazterreko lanekin ere jarraikiko dü herriak, üholdeen saihesteko.
Entzün Mixel Etxebest :


Nahi badüzüe kontseilüko bildüma xehetarzünekin ikusi (frantsesez da, üken dügün bezala) klika heben (word) edo heben (rtf).

Jean-Jacques Lasserre, Mixel Arrantzet eta Pepela Mirandekin Ikusi düzüe azken denboretan web güne hontan eta entzün irratian, eskualdeetako haüteskundeen kanpaina hatsarre ofiziala beno lehen hasi dela. Alain Lamassouren zerrenda, NPA eta EAJ-PNB alderdien ondotik, Jean-Jacques Lasserre Atharratzen izan da iragan astean Jean Lassalle bürü düan zerrendaren aurkeztera. Eta sozialisten berri ere üken behar günüke aste hontan.
Orai arte bezala, abiadüra handiko trenbide xedeaz galto bat pausatü deiogü. Entzün Jean-Jacques Lasserren arrapostüa :


Eta hortarik landa, entzün frantses lürralde erreforma xedeaz eta kargü bat beno haboro ükeiteaz (departamentüa eta eskualdea) zer dion :

Alderdi sozialistaren xiberotar ordezkariakEskualdeetako haüteskundeen kanpainarekin jarraikitzen dügü alderdi sozialistarekin aldi hontan. Alain Rousset Akitaniako eskualdeko lehendakari izan da 2004az geroztik, eta berriz ere zerrendabürü gisa aurkezten da. Sozialisten kanpainaren ardatz nagusia sei urteetan eskualdean egin lanaren bilana izanen da beraz. Xiberoko ordezkaritzak, aste hontan egin aurkezpenean, Akitaniak xiberotarrer eman sos lagüntzen zerrenda egin dü. Azken hilabeteetan, lagüntza horien emaitean lanaren lehentarzüna kontüan hartü düela ere gehitü düe.
Bestalde, abiadüra handiko trenbide xede berriaz ere beren iritzia eman düe sozialistek, beste haütagei güziek bezala funtsean. Diotenaz, xedea beharrezkoa da, bena egiteko manera hoberena ikertü behar lizate ahalik eta ondoramen gütienik izan dadin Lapurdiko kostaldean.
Entzün Jacques Herrera, Xiberoko sozialisten ordezkaria :

Ezker-esküin : Beñat Oteiza, Jean Teletxea, Txaro Goikolea eta Paco ArizmendiIragan ostiralean (barantailaren 19) Euskal Alderdi Jeltzaleak eskualdeko haüteskundeentako prestatü düan zerrenda aurkeztü dü Maulen. Euskadi Europan izena düan zerrendan, departamentü hontarik kanpo ere aurkeztü dütüe EAJko haütageiak, hala nola Gilles Choury xiberotarra besteak beste.
Kanpainan azpimarratü nahi düena, beren egitüraketa institüzional xedea da, hori beiteigüe haboroenik aipatü. Eskualdearen eta departamentüaren ahalmenak lütüzküan eüskal egitüra administratibo baten alde agertü dira. Beren erranetan, ez da aski informazione frantses lürralde egitüraketa xede berriaz horrekin konparatzeko, eta ez düe ere autonomia deitü nahi (entzün alkarrizketa).
Bestalde, Bateraren galtozkatze xedearekin bat egiten düe, bena hori ez da gaüza berria. Alderdiak düan ikuspegi originalena beharbada, abiadüra handiko trenbide xede berriaz da. Horren beharra badela erraiten badüe ere, ez dira ados egiteko manerarekin, eta parada güzien berriz ikertzea galtatzen düe.
Entzün Beñat Oteiza EAJko kidea, alkarrizketa orokorran :


Entzün Beñat Oteiza abiadüra handiko trenbide xede berriaz :

Ausaz

Kronika

Emankizüna

Artxiboan