XÜXENEAN ENTZÜN

Politika

Xiberoa Herri alkargoaren bilküran bi aipagei nausiak izan dira, alde batetik, huraren etxerat ekartearen berantolatzea, Kontseilü Orokorrak egin nahi düan estüdioa eta bestetik, Kolektibitateen Erreformaren ondorioak Xiberoarentzat. Huraz egin nahi den estüdioak arrenküra sorarazi dü, huraren zatikatzea Xiberoan manera ezberdinez egiten beita. Herri zonbaitek  badüe hura eta berek antolatzen düe zatitzea, hala nola Maule edo Altzürükü bezala, bestalde bada SAEP Sindikatak, hura banatzen düana herri andana batetan. Hots, estüdioak erakutsi behar lüke, huraren banatzea nola egiten den eta zer preziotan. Bestalde, Kolektibitateen Erreforma urte ondarreko egin nahi da, Xiberoarentako ez date kanbiamen handirik, jadanik Xibero osoa Herri Alkargoan delakoz, salbü Lixoze herriarentako Alkargoan sartüko denarentako.

Entzün Dominika Boscq, Xiberoa Herri Alkargoako bürüa :

Euro aginduaren salatzeko, dimamikak aitzina jarraikitzen dü. Lapurdi eta Baxenafarratik landa, Xiberotarren aldi da akanpalekü baten antolatzeko eskübide zibil eta politikoen alde. Akanpaleküa plantatü ondoan informazionearen zabaltzen iragan düe üztailaren 11ko egüna. Biharamenean asteartearekin, hitzordü nausia emaiten düe egüerditan giza kate baten antolatzeko, arrestiri aphalean aldiz, euro aginduaren kontreko taldeko botz eramaileek hitzaldi bat eskentüko düe, ondotik Sagarren denbora filma hedatüko düe. Asteazkenarekin informatzen jarraiki ondoan, arrestiriko 18:30tan manifestaldi bat antolatzen düe akanpadaren ürrentzeko. Esperantxa düe jente agertüko dela eta horien artean ere haütetsiak.

Entzün Battitta Guiresse Euro aginduaren kontreko bat :

Teknologi berriak, informazionearen kurriarazteko gerogo eta haboro baliatürik diren tresnak dira. Urte hatsarreaz geroz, « Mauleko gütüna » errezibitzen düe hilabete oroz, 500 bat jenteek. Gütün elektroniko hontan, Maule Hiriko, baita ere Xiberoari doazkion berri freskak irakurten ahal dira. Herritarrek berek, informazionea helarazten ahal düe, püblizitatea ez ezik. Züek ere « Mauleko gütüna » errezibitzeko interesatürik balin bazide, Mauleko Herriko-Etxean edo bere internet günean züen helbide elektronikoa eman behar düzüe.

Entzün Mixel Etxebest aüzapeza :

Eüskal-Herriko Garapen Kontseilüa eta Eüskal-herriko Haütetsien Kontseilüak, hiru mintzaldi parteharzale antolatü dütüe, Eüskal-Herriko zerbütxü püblikoetan diren desafioaz eztabadatzeko. Lehen biltzarra üztailaren 5ean Maulen eginik izan da ondotik asteazkenarekin Bastidan eta ürrentzeko ostegünean Irisarrin. Bilküra horietan haütetsiak, zerbütxü püblikoen erabilzaleak eta zerbütxü eskentzaleak hor ziren. Bakotxak bere sailean bildü eta eztabadatü ondoan, berriz bildü dira algarrekin haien proposamenen partekatzeko. Hortarik landa, llabürpen bat eginen da eta berriz ere, partaide, haütetsi eta garapen kontseilüen artean lan bat eramanen düe. Lan honen helbürüa delarik, Eüskal-Herriko zerbütxü püblikoen eskema baten soraraztea.

Entzün Jean-Baptiste Etchetto, Eüskal-Herriko Garapen Kontseilüko lehendakaria :

Lürralde Erreformaren kari, herrien arteko alkarlanerako, departamentüko proposamena presentatürik izan da arramaiatz hontan, Xiberoko Hur Sindikataren bilküran. Proposamen hontan frantses estadoko zerbütxüek, Ühaitz errekaren eremüaren heineko hur sindikat bakar baten egitea aitzinatzen düe, bena ez düe nihor behartzen mementoko. Beraz Xiberoko Hur Sindikatatik kanpo diren herriak, Maule, Santa-Grazi, Larraiñe, Garindaine edo Urdiñarbe besteak beste, botingoan sartzen ahalko dira, nahiküntea erakusten badüe. Bena mementoko herri horiek ez beitüe interesik bide horren hartzeko, pentsa daiteke ez dela gaüza handirik kanbiatüko epe llabürrean pürü.

Entzün Brousset Matheu jauna, Xiberoko Hur Botingoako bürüa :

Ausaz

Kronika

Emankizüna

Artxiboan