36 ahalmen ürriko haur lagüntürik dira orotarat aurten Seaskan, Integrazio Batzordeari esker. Horietarik 2 Eperra ikastolan ikasten ari dira. Ikasle horiek lagüntza berezi bat behar düe hezkuntza sailean eta haien lagüntzeko, AVS postüak sortürik izan dira. AVS postü horiek, Frantses Hezkuntza Ministerioak ez dütü osoki beregain hartzen, ata bere eginbeharra delarik. Oroit gira Paueko Auzitegiak arrazu eman zaiola Integrazio Batzordeari eta Frantzia behartürik izan da auzi hortan AVS postü horik beregain hartzea. Haatik, aurtenko ikasurtean, Hezkunde Nazionalak 12 postüetarik 3 baizik ez dütü beregain hartzen. Errealitate triste honen ondorioz, Integrazio Batzordeak beti sos biltzen jarraiki behar dü eta ildo hortan, Biltxoko alkarteak sagarrardo aiharia antolatzen dü azaroaren 20an Urdiñarbeko Herriko gelan. Erran gabe doa, Integrazio Batzordeak denen beharra badüala et züen eskükaldüa eta parte hartzea honki jin izanen dira.
Entzün René Ayphassoro Integrazio Batzordeko buraso bat :

Belaunaldien arteko harremanen azkartzeko, Aste Urdina ospatüko da ürrietaren 18tik-24ala, Xenda alkarteak antolatürik. Aurten, jakitatearen igaranaztearen üngürüan, hainbat ekintzak bürütüko dira. Dagün azaroaren 9an adibidez, Atarratze eta Mauleko adinetakoen etxeetako hamabost jenteek eta Berrogaiñeko lizeoko ikasleek egüerdiko bazkaria adelatüko düe eta algarrekin janen. Jadanik, üken dütüen bost algarikustaldien azkena date. Astelehen hontan, aldiz, "Paroles d'anciens" filmaren hedapenala joaiteko kümitüa lüzatürik zaikü. Dominique Gautier filma egileak, adinetakoen egünoroztako biziaren 30 bat gei ezbardin jorratzen dütü, Departamentü eta Xiberoko adinetakoen lekükotarzünaren bidez. "Paroles d'anciens" filmaren hedapena ororer zabalik da, astelehen hontan 14.30tan Maule Baitha zinema gelan.

Entzün Stéphanie Niceron, Xenda alkarteko animazailea :

Mauleko "Les Restos du Coeur" alkarteak apaidü partekatzea hasiko dü, abentüaren 6an astelehenarekin. Beste urtez bezala janari züzena düen jenteen izenen biltzeko, bi permanentziak etxekiko dütü dagün azaroaren 15 eta 22an astelehenarekin. Igaran sasuan 324200 apaidü zerbütxatürik izan ziren departamentüko 11 zentroetan. Maulen ehüneko 13az goratü zen apaidü emaitea. Orotara,140 jenteer, bereziki bera diren amak, 5500 apaidü zerbütxatürik izan ziren. Mauleko Bihotzeko Ostatüetan 25 lagüntzale aldizkatzen dira, janariaren biltzeko eta zerbütxatzeko eta orano borontate hon güziak honki jinik dira.

Entzün Panpi Lacarrieu lagünzalea :

"Xiberoa Herri Alkargoako" osagarri taldeak, Atarratzeko kantonamentüko oraiko bedeziren segidaren segürtatzeko, lanean jarraikitzen düala baieztatü deikü Arnaud Villeneuve, osagarri taldeko haütetsüen ordezkariak. Hartarako, alde batetik bedezigoako ikasketak jarraikitzen düen Xiberotar gazteekin harremanetan sartü da. Helbürüa da, informazioen trükatzeko, jakiteko zer xede düen ondoko urteentako, Xiberoala ützüli nahi düenez eta zoin leitean trabak heben plantatzeko. Bestaldetik, Frantzian agertzen diren bedezien iragarkiak hüllanetik jarraikitzen dütü eta España edo Errumaniako pistak ere ez dütü baztertzen. Oritarazten deizüegü, bedeziren eskasari bürü egiteko, "Xiberoa Herri Alkargoako" osagarri taldeak, Atarratzen osagarri etxe baten eraikitzeko xedea ikertü züala eta azkenean baztertü züala, osagarri sailako profesionalentako ekonomikoki ez zelakoz erakargarri.

Entzün Arnaud Villeneuve "Xiberoa Herri Alkargoako" osagarri taldeko kidea :