Lüzaz düdatü badira, azkenean ofiziala da, Barkoxtarrek maskarada emanen düe.

Ez haatik üsatüzko sasoan bena bai uztailaren 3Otik aitzina

Negü huntan Barkoxe eta Atarratzeko herriak plantatü ziren maskaraden emaiteko, bena azkenean biak desmüsatü dira COVID planetaren gatik

Ximun Pinque Barkoxatarrak berri huna xiberoko botzan jakinarazi dü: 

Abd el Kader pastorala azkenean 4 aldiz emanik izanen da üda huntan !!

Forma ttipiago bat antolatzea aijatüko düana bena ere pastoralaren forma ttipitüko eta agian hüllantarzün haboro ekarriko düana soegilearentako

Allande Davant xiberoko botzako studioetarat hüllantü zaikü : 

Hortaz ohartürik, Xiberokazt grabaketen proposatzea pentsatü düe Sü Aziako kideek.

31 urtez eüskararen süstengatzeko lanean ari dira alkarteko kideak, libürüak argitaratzez eta kantore xaharren nümerizatzez bereziki. Jean-Michel Bedachagar lehendakariak eta Allande Socarros kideak xede berria aurkeztü düe Hondare etxe gaineko bülegoan.

Xiberotarrez idatzirik izan diren izkibüetarik abiatürik, Zunharretako Emanuel Inchauspe idazlea bezala, bi jenteren arteko kumersa gisan eraikirik izan dira grabaketak.

Sü Aziako Allande Socarros :

Dagün astetik goiti suazia.com webgünean behatzen ahalko dira !!!

Previous Next

Neskenegün goizan, 11orenetan, Berritza alkarteko lagünek, prentsa aitzineko baten bidez, alkartearen xedeak presentatü dütüe.

1998ean, Jean-Dominique Espil eta Pierre-Paul Bercaits-ek alkartea sortü züen. Gazte belaunaldi batek dü orai lekükoa hartzen kanbiamen zonbaitekin.

Aldi hontan amatürrak süstengatü eta lagüntü nahi dira dantza, antzerki, kantore eta müsika erakaspenen bidez.

Eta ikusgarrien promozionea ere bai ahalbidetüko dü alkarteak.

Alkarteko Pette Jaragoyhen eta Jon Foucher :

Topa Noka, Kautere Balet eta Xiberoots taldeek ikusgarri berriak estrenatü dütüe Mauleko herri bihotzean, eüskal kültürraren arra iratzarraraztez ! 400 jentek leküa aitzinetik erosirik zütüen emanaldiaz gozatzeko.