Laborantxa - Üngüramena - Xiberoko Botza

: Laborantxa / Üngüramena; 2021 Azaroa 10; Agerraldiak: 1255

Laborantxa: Zerrealen eta honkailüen prezioak gora !

Covid krisak prefosta ondoramena üken dü aktibitate hanitx eküratü beitira. Memento batez honkailü ximikorik ez da egin adibidez.

Bestalde energien prezioen goratzeak, partikularzki gasaren kasüan, ondorioak badütü honkailü azotadünen prezioan.

Azkenik, merkatü mundiala bilakatü denez, Txinak bere ekoizpenak bere barne kontsümoarentako begiatzen beitütü azken aste horietan, honkailuen stokak apurtzen ari dira.

Artoaren aldetik, geroz eta laborari haboroek metanizazioalat igorteko haütüa egiten düe, energia berdearen egiteko. Arto gütigo bada üsatüzko merkatüeta.

Galtoa gora eta ekoizpen gütik prezioak hegalarzten dutue.

Mendikoa kooperatibako langileak horik oro esplikatzen deizkü:

: Laborantxa / Üngüramena; 2021 Azaroa 04; Agerraldiak: 1421

Izan eki ala ebi, bildü da kiwi !!

Üda entrabalak hon egin dü kiwier !!

Bedatseko karroak kalte edo itsesak ekarri badütü, azkenean üda eta larrazkena hein bat hon izan da frütentako.

Kiwi biltzera eramaiten zütüegü:

: Laborantxa / Üngüramena; 2021 Urria 27; Agerraldiak: 1168

Idauzeko CAOSO koperatifak 75 urte badütü!

Idauzeko CAOSO laborarien koperatifak 75 urte badütü aurten.

1946an ardi ilearen biltzeko abiatürik, 70gerren hamarkadan hasi dira axuri saltzen eta geroztik hortan lanean ari dira.

« agneau de lait des pyrénées » izeneko IGP labela badüe.

Espanako merkatüa düe merkatü nausia , salmenten 100ko 90a han egiten beidüe.

70 000 bat axuri saldü dütüe orotarat aurten, hots urte hun bat Idauzeko koperatibarentako

Jean michel iroumé koperatifako bürüa:

: Laborantxa / Üngüramena; 2021 Azaroa 02; Agerraldiak: 1295

Iragan kanpaina ederra izan da Ossau Irati sormarkarentako !

4986 T gazna saldürik, ezne ekoizpena eta gazna salmentak emendatü dira iragan sasuan.

Haatik ezne ekoizleen heina eraisten da urte oroz bezala. Hartako 2021- 2022ko xedeetan date etxalteen transmizionearen lantzea.

Bestalde, INAOak eta partikülarzki konsümizalek galteginik, Ossau Iratiren barne, kontrola aitzinetik abisatügabekoak eginen dütüe.

Hortaz gain, oraitik goiti, laborariek eta eznetegiek pakatzen düen kotizazionea 5€/ butillakal (litrakal)-erat igan da.

Administrazio kontseilü berria izendatü düe ostiralean (21/10/29), azaroaren 26 an lehendakari berria izendatüko düe, Sébastien Astabiren ordaia. Azken bi urteetan laborari bat balin bazen, aldizkatzen direnez, ondoko bi urteetan eznetegiko ordezkari bat date.

Sébastien Astabie Ossau-Iratiko lehendakaria: