Üngürümena gogoan, hogei ta hamar bat jente bildü dira neskenegünean Maulen, Garapen Iraunkorraren egünaren baitan. Aiñarbeko bidean den St-Jean ütürritiko baratzetik, Maule Gaineko frütü baratzeala ebilte bat antolatürik zen, Mauleko Herriak garapen iraunkorraren sailan builtarazten dütüan iniziatiben aipatzeko. Mauleko Herriak, hiru baratze kudeatzen dütü, horietarik bat Collectif Souletin alkartearekin. « Zéro Phyto » desmartxan engaiatürik da aspalditik, herriak ez dü haboro prodükto kimikorik baliatzen belar xalbaien elkitzeko eta herritarreri jorrai bat eskentzen deie, herriaren sahütarzünean parte har dezen. Hogei ta bost jenteko multxo bat biltzen da ere artetarik, Garapen Iraukorraren gogoetatzeko eta alkarrekin iniziatiben hartzeko. Laster Mauleko Herriak, balkoin eta etxe lilitüen lehiaka bat antolatüko dü. Mixel Etxebest aüzapeza :

Sohoren eramaiteko maneretaz, lehiaketa bat antolatzen dü departamentüko laborantxa kanberak. Helbürüa delarik erakustea zoin aberastarzün izaten ahal den üngüramenarentzat ; lantare desbardinak edo ere, zerrailüak badirelarik. Lehiaketa hontan parte hartzen ahal düe Basabürüko laborariek eta izenek eman behar dütüe hebentik goiti ; maiatzaren 20 etik eta arramaiatzaren 10 eala epai mahaina jinen da sohoen ikustera eta leiaketaren emaitza plazaratüko da Atarratzeko gazna feidan, agorrilaren 16an. Parte hartzeko lehiaketa hontan izenek eman behar dira, Jean Marc Aranz-eri 07 77 34 38 69 edo Marie Claude Mareaux-eri 06 24 42 59 54. Jean Marck Aranz :

Iragan neskenegün goizan, Ligiko salan egin ziren Xiberoko Botingoako ehizketako kabana eta lepoen antxeak. Arrakasta gütti ordüan, alokaidatzeko ziren hogei ta hamasei kabanetarik erdia baizik ez beita hartürik izan eta hogei ta hameka lepoetarik sei. Alta, 2015eko prezioeri konparatüz, antxeren abiatzeko prezioak %30ez apaltürik ziren. Bürdinolatze izan da lehia sortü düan lepo bakarra, antxera 21000€-tan abiatürik da eta 24500€-tan joan da azkenean, 2015ean 30000€tan alokaidatürik izan zelarik. Orai ehiztariek, maiatzaren 18a artino düe gütün axaletan proposamenen helarazteko Xiberoko Botingoari, oraino alokaidatürik ez diren kabana edo lepoen ükeiteko. Sylvain Ayphassorho botingoako ordezkaria :

Setemerearen 16,17 eta 18an, CORAM, Bortüko Leküko arrazen kolektiboak antolatürik, Urdiñarbeko ardi zentroaren parte hartzearekin. Egünaldi horien helbürüa da, bortüko kabale arrazak eta artzaingoa hunkitzen dütüen problematika güzietaz gogoetatzea. Bortüko arrazak eta genetika, artzaingoa eta gaurkotarzüna, ekoizpenen garapena, artzaingoaren iraunarazteko nola lagünt eta süsta dirateke hiru egünez gogoetatüko diren aipageiak. Desire Loyatho Urdinarbeko ardi zentroko bürüa :