Zühain lepatüen Europear kolokioa Saran igaranen da martxoaren 1,2,eta 3an. Zer dira xüxen zühain lepatüak ? trunkoa den gisa ütziz, adarrak arraheinki mozten diren zühaintz ondo bat, bide bazterretako platanatzetan ageri den bezala. Zühaine horren abantailaz ariko dira Saran, besteak beste ostoak iraurgei edo kabale bazka gisa baliatzen ahal direlakoz, eta adarrak aldiz sü gei. Europako hamar bat herrialdetarik jinik, hogei ta hamar bat hizlariek han hebenka diren esperientzietaz hitz eginen düe. Hitzez gain, laborari etxe baten bijita ere eginen da, non eta, zühain lepatüen abantailak jada baliatürik diren. Zühain lepatüen 2. Europear kolokioa, Saran , martxoaren 1, 2 eta 3an. Xehetarzünak Joana Hoqui-ren eskütik :

Elb laborari sindikateko gazteek 3. hitzordü bat emaiten düe, aldi hontan Xiberoan Atarratzen, barantailaren 22 an. Bilküra horien helbürüa da algar ezagützea eta beren arrenkürak partekatzea. Saran lürra, eta Donaistin transmizioa aipatürik izan ziren, Xiberoan haütatü den eztabada geia da bortüa, lekukotarzünak izanen dira, bortü sindikat, artzain eta beste… Hitzordüa, Atarratzen, Prefosta ostatüan, barantaila 22an, ostegünean gaüko 9etan. Benoit Thauzin, Erramun Etxekopar eta Bettan Hoqui ELB gazte-ko kideak :

Axuria koperatibak formakuntza bat proposatzen dü 2 egunez,dagün astelehen eta asteartean (26 eta 27an), "nola hazi behi xahaldünak" gaiaz. Ikusiko da bereziki nola egin behar den kalitate honeko xahalen elkitzeko ; sail hortan berezitürik den Francis Rousseau jinen da aholküen emaitera. Kalitate honeko aragi baten elkitzeko xedea da eta hortara heltzeko formakuntza zabaltzen da hazle güzier . Parte hartzeko behar da deitu Axuria koperatibako Battitta Baqué 0668930747.

Pirinio bortüetako arraza bazter ützirik izan zen behi gorriaren ezarteko eta orai hazleak ohartzen dira berriz gibel joan behar dela. Arrazu bat beno haboro eman da biltzar nausian: Pirenaikaren kalitate nausia da zaila edo azkarra dela, mendian lüzaz egoiten dela eta fres gütiago badela hazteko. Bestalde, merkatü bat zabaltzen ari da aragiarentako eta Xiberoko Axuria kooperatibak sail hori eramaiten dü. Pirenaika alkartea sortü zen düala urte bat eta hontan13 laborari dira oranokoan. Orotara, 150 bat behi da hazten Ipar Eüskal Herrian . Alkartearen lan sail handiena da merkatüaren ikertzea eta teknikaren gaintitik laborarien lagüntzea beren behi taldeen eramaiten. Pierre Diharce Domintxineko laboraria :