XÜXENEAN ENTZÜN

Politika

Christelle Mange Sohütako oraiko aüzapeza berriz presentatzen dela jakinarazi dü eta bere zerrenda presentatü dü. "Chéraute au coeur" zerrendan, zazpi haütagei berri kausitzen dira. Christelle Mange-k azken urteetan egin lanaz, bilan baikorra egiten dü. Eskola berria, bideen entretenioa eta süteen kontrako ekipamentüak izan dira lan nausiak. Dagün urteetako xedeak ez dütü presentatü orainokoan.
Christelle Mange Sohütako aüzapeza :


Ez da zerrenda bakarra izanen, “Vivre à Chéraute” “Sohütan bizi” Jean René Arhie-k eramaiten düan bigarren zerrenda presentatürik izan da ere. Zerrendan, oraiko konseilüan oposizioan diren lau konseilari edireiten dira, orotara 15 gizon eta emazte. Beren agerpenean azpimarratü düen bezala, Christelle Mange aüzapezaren zerrendan ez bezala, denak Sohütan bizi dira eta Sohütako aüzogüne güziak ordezkatürik dira. Eskola berriaren eraikitzeak libro ützi dütüan peko eskola eta Hokikoaren üngürüan, herritarren ikusmoldea kontütan hartürik, xedeen eramaiteko nahikuntea erakutsi düe. Bide eta bide bazterren entretenioa, bereziki aüzogüneetan hobetü nahi düe. Horiek oro legarrak ahal bezain güti goratzez. 

Jean René Arhie, Serge Gabaston, Patricia Hegiaphal :

Ostegün goizan Xiberoan, Udalbiltzak, « Pirineoak sendotzen » tokiko garapenako programaren baitan lehen lagüntzak ekarri dütü. Azkorria gazna kooperatifari 10000 euroko sos aitzinatze bat eman deio, ezne biltzaile lan postü baten sortzeko. Alozeko Basabürüko ikastolari aldiz, 6000 euroko lagüntza eman deio, bere egoitzaren hobetzeko eta material pedagogikoaren erosteko. Daniel Olzomendi Izurako aüzapeza eta Udalbiltzako kideak, botzik agertü da Mauleko Herriko etxean egin den ekimenean, lagüntzak ttipi izanik ere, builtarazi nahi den dinamikak bere lehen ürratsak egin beidütü. Paradaz baliatü da ere oritarazteko, eta dei egiteko Euskal Herriko herri, haütetsi edo aktore güzieri beren xedeen agertarazteko. «http://udalbiltza.info/eu/» web günean behar diren xehetarzün güziak aurki ditzakezüe, martxoaren 31a delarik xedeen presentatzeko azken epea. 
Daniel Olzomendi :

Argazkia : Laurentx Etchegoin.Pierre Etxecopar Xiberoko Alderdi Komünistaren idazkari nausia izentatürik izan da, Louis Labadot-ren jarraikia hartü dü. Ber zoinean 20 jentez osatürik Xiberoko adarraren batzordea haütatürik izan da. Eramaiteko xede düan lana, epe lüzean kokatzen dü eta egün oroztako bizian jenteen süstengatzeko nahiküntea erakutsi dü iragan ostegünean egin ziren alderdiaren agiantzetan. Nazional mailako politikatik hebenkoala, aktüalitateaz bere irakurketa agertü dü eta nolaz ez dagün herriko bozketaz ere bere ikusmoldea eman dü. Alderki komünistako 8 kide presentatzen beitira Union Citoyenne zerrendan, beren ideiak ontsa ordezkatürik izanen direla azpimarratü dü eta argiki ützi dü kanpaña hortan ideiak borrokatüko dütüela ezizeta personak. 
Pierre Etxecopar Xiberoko alderdi komünistako idazkaria :

« Aitzina Maule, l’énergie de tous » Herriko bozketan presentatzen den 3. zerrenda barda presentatürik izan da. Beñat Elkegarai, Elkar enpresako bürüaren üngürüan 23 gizon eta emazte biribilkatzen dira. Zerrenda franko gazte izanik ere, 41 urtekoa da adin ertaina, erakaskuntza, sozial, kirola, edo kültüra alkarteetan besteak beste, engaiatüak diren jenteak aurkitzen dira. Haütageiek erran deikünaz, alkartarzüna, nortarzüna eta üngürümena dira beren haütageitzaren ezautgarri nausiak. Mementoko ez düe beren programa presentatü, ez eta zerrendaren sailkapena. Aste baten bürüan plazatüko düe eta hortik harat herritarren ganat joanen dira, oharren biltzeko eta beren proposamen zabaltzeko. Mixel Etxebest, Louis Labadot eta Beñat Elkegarai-en zerrendarekin, hiru dira orai ofizialki presentatürik, Mathias Davant sozialistak laugarrena presentüko dü, egün batetik besteala. 
Beñat Elkegarai :

 
Mayliss Houret :

Xiberoko Botingoaren urteko azken jüntan, iragan neskenegünean, bortüari lotürik Laborantzako Politika Bateratüaren lagüntzak, botingoen barne arrautegiak, Iratiko etxoleen urteko bilana, kontüen egoera eta Euskal Mendia egitasmoaren geroa aipagei ziren.
Jean Pierre Mirande lehendakaria :

Ausaz

Kronika

Emankizüna

Artxiboan