Xiberoa Herri Alkargoako biltzarran aipagei nausia izan da 2012 ko büdjeta. Aldi hontan, orientabideak  presentatü dira bozkan ezarriko direlarik martxoan. 2012ko xedeak aipatü beno lehen, 2011ko kontüetaz bilduma egin da, kasik 6 miliuko büdjeta da, postü nausietan ondarkinak 1,6 miliuekin ; herrier sos lagüntzak 2 miliu ; Atharratze eta Mauleko haurzaintegiak 2 miliu. Bestetik, sos sartzeetan Legarrak eta Estatüaren lagüntzak dira sos ütürri handienak. Azken urteetan, Estatüaren lagüntza ttipitzen ari da eta fresak aldiz emendatzen dira. Hots, Herri Alkargoa behartürik izanen da legarren emendatzea, hala nola, ondarkinetan % 2ez goratzea. Beste aipageietan, Batera plataformako bi ordezkariek aipatü düe mementoan eramanik den gogoeta Lürralde Erreformaz eta Eüskal-Herriko Institüzione bereziaz. Azkenik, Mauleko epizeria sozialaren lanaren aipamen bat egin düe ere bi ardüradünek.

Entzün Hervé Lanouguerre Herri Alkargoako aitzin kontüak aipatzen :

Aitzin kontüak bozkatürik izan dira Mauleko Herriko-Etxeko kontseilüan. Obretan izatez, Herriko-Etxeko gela nausi arraberritüan egin da bilküra. Beste aipageietan, P.L.U edo hirigintzako planaren arraberritzeko xedea düe, azkena düala sei urte izan zelarik.  Bestalde, Agerrian segürtantxa lanak aitzina doatza, lotizamentü xedea ere bai eta ihiztegiarentako ondoko sasuan ikusi beharko. Prefosta, Mauleko ospitala aipatürik izan da ere, bantailaren 20an berri haboro jakin behar lükee bena Mixel Etxebest aüzapeza gustian eta sineskor agertü da, alde batetik, azken urteetan kontüak sano zirelakoz eta bestetik, beste ospitale zonbaitetan ber arrenkürak üken beitütüe aurten ere. Azkenik, jakinarazirik izan da Daniel Mainhaguiet Mauleko kontseilüko zinegotseak bere kargüa utzi düala.

Entzün Mixel Etxebest Mauleko aüzapeza : 

Berrehün bat jente bildü da barantailaren 11an Mauleko plazan, eskola postü zerratzen gaitzesteko. "Haboroxe izan balira hobeki zatekeela" entzüten zen, emeki emeki Xiberoko eskola ttipien arrenküra izanen delakoz. "Hezkunde Nazionalak, nahitara eüskara eta frantsesa bizkar ezarten dütüala, posten zerratzeko püntüan lehia baten sortzeko, ez zepo hortara erortea" zeioien etxeko zonbaitek. Bestalde, ait'amen araberan "Helbürüa argi dela, zer nahi estakürüa erabiliz, posten zerratzea beita. Haurren heziketaren bizkar ezin dela sos pübliko ekonomiarik egin, eta gisa hontako erabakiak hürrünegi hartürik direla..." zeion haütetsi batek.  Barantailaren 13an, Urdiñarbe eta Muskildiko eskolako etxekoek kümitatzen dütüe bi herrietako jente güziak, 4.00 etan eskolan eginen den algarretaratzean parte hartzera, tenore hortan Ikuskaritza agertüko beita. Montorik Ikuskaritzarekilanko hitzordüa barantailaren 14an arrestiritan düke eta Maulekoak gaüan Oloruen.

Entzün manifestaldian bildürik izan diren lekükotarzünak : 

Frantziako lehendakaritzako bozken lehen ützülia iragan arte, UMPek ez dü haütageirik ezarriko departamentü hontako 2. eta 4. lürraldean, hots, Modemeko Bayrou eta Lassalle haütageien eretzean. Departamentü hau lüzaz bi alderdien artean eramanik izan beita, ez dü arrazurik ikusten estado mailan gisa hortarako akordioen egitera Modemarekin. UMParen indarra ahültü dela departamentüan aitortü dü ere. Arrazua, hebenko arrenkürer ez aski beha egoitea bereziki Eüskal-Herriko ezagützan, UMPa gor izatea. Bere aldetik, Eüskal Preso politikoen hüillantzearen alde agertü da.

Entzün Marc Oxibar UMPko kidea :