Eüskal-Herriko Garapen Kontseilüa eta Eüskal-herriko Haütetsien Kontseilüak, hiru mintzaldi parteharzale antolatü dütüe, Eüskal-Herriko zerbütxü püblikoetan diren desafioaz eztabadatzeko. Lehen biltzarra üztailaren 5ean Maulen eginik izan da ondotik asteazkenarekin Bastidan eta ürrentzeko ostegünean Irisarrin. Bilküra horietan haütetsiak, zerbütxü püblikoen erabilzaleak eta zerbütxü eskentzaleak hor ziren. Bakotxak bere sailean bildü eta eztabadatü ondoan, berriz bildü dira algarrekin haien proposamenen partekatzeko. Hortarik landa, llabürpen bat eginen da eta berriz ere, partaide, haütetsi eta garapen kontseilüen artean lan bat eramanen düe. Lan honen helbürüa delarik, Eüskal-Herriko zerbütxü püblikoen eskema baten soraraztea.

Entzün Jean-Baptiste Etchetto, Eüskal-Herriko Garapen Kontseilüko lehendakaria :

Lürralde Erreformaren kari, herrien arteko alkarlanerako, departamentüko proposamena presentatürik izan da arramaiatz hontan, Xiberoko Hur Sindikataren bilküran. Proposamen hontan frantses estadoko zerbütxüek, Ühaitz errekaren eremüaren heineko hur sindikat bakar baten egitea aitzinatzen düe, bena ez düe nihor behartzen mementoko. Beraz Xiberoko Hur Sindikatatik kanpo diren herriak, Maule, Santa-Grazi, Larraiñe, Garindaine edo Urdiñarbe besteak beste, botingoan sartzen ahalko dira, nahiküntea erakusten badüe. Bena mementoko herri horiek ez beitüe interesik bide horren hartzeko, pentsa daiteke ez dela gaüza handirik kanbiatüko epe llabürrean pürü.

Entzün Brousset Matheu jauna, Xiberoko Hur Botingoako bürüa :

Teknologi berriak, informazionearen kurriarazteko gerogo eta haboro baliatürik diren tresnak dira. Urte hatsarreaz geroz, « Mauleko gütüna » errezibitzen düe hilabete oroz, 500 bat jenteek. Gütün elektroniko hontan, Maule Hiriko, baita ere Xiberoari doazkion berri freskak irakurten ahal dira. Herritarrek berek, informazionea helarazten ahal düe, püblizitatea ez ezik. Züek ere « Mauleko gütüna » errezibitzeko interesatürik balin bazide, Mauleko Herriko-Etxean edo bere internet günean züen helbide elektronikoa eman behar düzüe.

Entzün Mixel Etxebest aüzapeza :

Arramaiatzaren 25ean, 3000 bat jentek manifestatü düe Baionako karriketan euro aginduaren kontre eta Aurore Martinen süstengüz. Xiberotar zonbaitek, Baionara joaiteko ahalik ez züenek eta egoera larri honen salatzeko inportantziaren aitzinean, 130 bat jentek manifestatü düe Auroren sort herrian Maulen. Aurore Martinek hamabi urteko presontegi zigorra arriskatzen düala espainan, hitzaldi baten egitea gatik hegoaldean. Sei hilabetez gorderik egon ondoan arramaiatzaren 18an agertü zela bizitza püblikoala hainbat eragile sindikal, politiko eta besten süstengüarekin. Ekainaren 21ean Baionan, poliziak Auroren arrestatzea ixeatü dü bena herritarren süstengüaren ondorioz libre baratü da. Auroren sustengü taldek, mobilizatzen jarraiki behar dela azpimarratü düe. Eta arrestatürik izanen den egünean algarretaratzeak eginen direla Mauleko hedexuritegi aitzinean egüerdi eta arrestiriko 6etan.

Entzün Aurore Martinen lekükotarzüna Baionako manifestaldian :