Berriak

: Berriak; 2021 Ekaina 03; Agerraldiak: 2184

Mendikotako bizia indartü nahian, plaza berri bat eraikiko da

Aspaldikoa da arrabotüaren arra eraikitzeko xedea Mendikotan.

Pelota federazionearekin harremantean sartü ondotik,Tequio alkartearekin xedea muntatü düe herriko haütetsiek. Ürbanista alkarteak, herritarren beharrak bildü dütü eta etchecopaia eraikuntzaren kantean, güne desberdinak proposatü dütüe. Arrabotü berri bat, txostaka güne eta petanka güneak rugbi zelaiaren kantean sortüko dira.

Hortaz gain, bazter ützirik zen sagardoi bat arra biziaraziko da üztarro arte plastiko alkarteak lagüntürik. Erakusketak proposatzea dateke helbürüa.

Esküaldeko eta departamentüko lagüntzak biltzeko dozierra presentatü eta baieztatürik izan da.

Aurten jadanik lehen ürratsak abiatüko dira. Herritarrek, haütatü komizione batetan parte hartzen ahalko düe xedearen joanarazteko.

Güne berri horrek herritarren arteko harremanak azkartü gei dütü.

Haütetsi den Julien Lucuix :

: Berriak; 2021 Martxoa 30; Agerraldiak: 2224

Apirileko ikastaldiak !

Gaü eskolako ikasleek üsatü beno haboro eüskararen emaiteko parada dükie apiril hontan !

Apirileko bakantzetan Xiberoko Gaü eskolak ikastaldi bat antolatzen dü.

Egün osoan, hots goizanko 9tarik arrestiko 5ak arte, eüskaraz mintzatzeko , ikasteko eta besteekin emaiteko parada dükie.

Kontextü berezi hontan nola antolatü diren esplikatü deiküe Gaü eskolako langileek :

: Berriak; 2021 Urtarrila 18; Agerraldiak: 2251

J.Louis Belhartz, 30 urteren bilana

« La République » aldizkariak hosto bat üngüratzen dü emeki emeki.

1993az geroz, kasik 30 urtez erauntsi dü Jean Louis Belhartz’ek kazetalari gisa.

Lan horri esker Xiberoa ezagütü dü, eta ohartü nahiz eta ttipi izan esküalde bizia dela!

Jean Louis Belhartz:

: Berriak; 2021 Otsaila 16; Agerraldiak: 1600

Stora txostenak eztabaidak piztü dütü

2017an hauteskunde denboran Emmanuel Macronek Algerian zelarik kolonizazioa gizaki krimen bat zela erran züan.

Geroztik Algeriako kolonizazioa eta gerlaren memoriaren üngürüko txosten bat galtegin züan, bi herrien arteko harremanak emeatzeko eta indartzeko.

Benjamin Stora, Algeriako kolonizioko historialari famatüak bere abisa urtarrilaren 19an ützüli dü. Hontan dio barkamen ofizialak ez direla beharrezkoak, bena bai historia mingarri hori ikertü eta erakatsi behar dela Frantzian eta Algerian.

Abis horrek eztabaidak sortü dütü, izan Algeriako eta Frantziako historialarien artean.

Jean Louis Davant, Algeriat igorririk izan zen beste 2 000 eüskaldün gazte bezala, historialari gisa bere abisa eman deikü :

: Berriak; 2021 Urtarrila 14; Agerraldiak: 2076

Etxen berritze termiko lagüngoetaz argitzen zütüegü !!

Izan etxe zahar edo berrietan ere, isolatze mentsagatik energia franko galdürik da. Hartako Frantziak etxen berritze termikoaz plan bat eramaiten dü.

Orai arte estadoak « crédit d’impôts » izeneko lagüngoa proposatzen züan hilabete-sari apalak zütüen jabeentako. Urtarila 11az geroz, « Ma prime renov' » lagüngoak ordezkatzen dü. Hau hilabete sari goragoak dütüener ere zabalik da.

Beste lagüngoarik ere bada etxeek energia gütigo gasta dezen : CEE (Certificat d’ Economie d’ Energie) edo « Habiter Mieux Sérénité » lagüngoak bezala.

Ikusteko zoin lagüngoari dreta badügün interneten www.FAIRE.gouv.fr- ikusten ahal da edo Baionako SOLIHA agentzialat deitzez (Maulen ere permanentziak egiten dütüe).

Ametxeko bülego termikokoMaider Larrory-k lagüngoak orro esplikatzen teizkü: