Lürraren zaintzea, nüklearetik elkitzea, energia berriztagarrien erabilpenaren builtaraztea… Nola argi indarra egin gütiago erabilteko ? Nola hobeki konsumitzea energia berrigarriak erostez ? Problematika zabal horren aipatzeko, energia berriztagarriekin ekoiztürik den argi indarraren “Enercoop” saltzalearen ordezkari bat Maulen zen arramaiatz hontan kooperatifa honen eskentzaz mintzatzeko. Nüklearetik elkitzea aipatzen den memento hontan, alternatibak badirela frogatzen dü kooperatifa honek. Jadanik 7000 jenteek EDFetik Enercoopetarako jauzia egin düe.  Enercoopek bera bezalako kooperatifak sortü nahi dütü eskualdeka, energia berrigarrien garapena builtarazteko leküko beharrer ihardesteko.

Entzün Jocelyne Barbot Enercoopeko harpidedün bat :

Xiberoko CLEJak aurten lagüntü dütüan bi xedeak presentatü dütü maiatz erdixütan Xibero bio saltegian. Aurélie Lartiguek dü zabaltü saltegi berri hau, Allande Etxarten segida hartüz Bio ekoizpenen haütüa handitüz. Bestalde, hor zen ere Serge Pinheiro plastür edo igeltzeritzan plantatü berri den ofizialea. Biek CLEJaren lagüntza eskertü düe eta alkarteko kidek, Clejaren inportantzia proiektü berrien aküilatzeko azpimarratü düe eta orai arte lagüntü dütüen xede haboroxenek aitzina jarraiki düela. Ürrentzeko, hirugerren xede bat lagüntürik date üda hontan.

Entzün Joana Arhantcet CLEJetaz ardüratzen dena :

Maiatzeko aste ondarrak hon izanik eta horra den üdako beroaren perspektibekin sasu hon batetara bürüz doazala üdüritzen zaie Xiberoko turismoko aktürer. Hona zer elki den Xiberoko Turisma Bülegoaren biltzar nausitik. Bestalde, nümerizazioari lekü zabal bat egiten ari dira, adibidez lekü estrategikoetan piktograma eli bat ezarriz, mugikorretan xehetarzünak biltzen ahalko dira. Horrez gain, kanpinkarren emendatzearekin, haien errezebitzeko infrastrüktüra eskasari ihardetsi nahi dü Xiberoko Turismo bülegoak. Hala nola, Maule, Atharratze eta Iratin kanpinkaren errezibitzeko güne txerkatzen ari dira.

Entzün Pierre Etchemaite Xiberoko Turismo bülegoko bürüzagia :

Xiberotarrik gabe egin da, Departamentüko Herri Oihandünen alkartearen biltzar nausia Sohütan. Departamentü hontan 180 hiri dira oihanekin eta 105 alkarte honen partzuer dira. Oihaneko importantzia hanitx aipatürik izan da. Nola oihanetako egürra ahal den hobeki baliatzen ?  hau da biltzarrean agertü den galtoa. Eraikuntzen egiteko baliagarri balinbada egürra, bürdüinak lehia egiten deio. Hala ere, idei berriak agertzen dira, hala nola, aterbe handien berotzeko berogailü  ibiltarien sistema.

Entzün Milou Castan Departamentüko Herriek Oihan dütüen Alkarteko lehendakaria :