A.E.L edo Pettareko Eskola Laikoaren Alkarteko Kideek berritarzün handia ezagütü düe 2012an. Orai artino, A.E.Lek  antolatzen bazüen üdako inganio zentroa, 2012az geroztik Xiberoa Herri Alkargoarekin  kudeatzen düe. Günearen aldetik, Inganio Zentroa egitea eskola batean ez bada izigarri haütü, erranik izan da, beste elkibide iraünkor bat atzaman artino Maule-Peko eskolan egonen zirela. Bestalde, A.E.Len alkartean, jüdo eta gimnastikako kursoak emanik dira eta dagün apirilako besta bat plantatzen ari dira. Azkenik, A.E.Lko bülegoa arraberritürik izan da, Jean-Charles Barcoisbidek bere lehendakari kargüa ützi  deio Mathias Davant lehendakari berriari.

Entzün berriki ützi düan lehendakari kargüa Jean-Charles Barcoisbide : 

Akademiak, Ikuskaritza osoa bildü gabe erabaki dü Maule-Peko, Sohüta eta Barkoxeko eskolen postü zerratzea. Hori dela eta, martxoaren 18tik- 20ala asteazken ülhüntzeala, hiru herri horietako etxekoak bildüko dira Mauleko Herriko-Etxearen aitzinean 18.30tarik- 19.00ak arte. Ondotik segidan, martxoaren 22an, Hezkunde Nazionalako Ikuskaritza osoak deliberatüko dü, Barkoxe, Sohüta eta Maule Peko eskoletan postü desagertzerik badatekeanez. Arte hortan, Sohütarrek eta Barkoxtarrek, Akademiako ikuskaritzarekin hitzordü baten hartzeko gogoa badüe, nahiz honek orano galtoari arrapostürik ez düan eman. Maule eta Sohüta bi denbora erdiren galtzeko mehatxüan dira eüskara eta frantsesean, Barkoxekoak aldiz, eüskarazko postü erdi baten galtzeko mehatxüa dü.

Entzün Barkoxeko eskolako etxeko bat Alain Etcheberry : 

Martxoaren 16an KORRIKAk Xiberoa zeiharkatü dü. Beti bezala, hebenko jentarteak bere etxekimentüa ekarri nahi izan dü eüskarari. Gazteak ere saldoan hor ziren. Xiberotar gazteen artean, badira eüskarari etxeki direnak eta ez direnak. Bi mündü horik elkartzean, eüskara dakinarentzat ez da beti errealitate goxoa, hitz mingarriak entzüten dütüalakoz eüskaraz ari delarik. Halere, eüskara dakiten gazte horier üdüri zaie mintzajiaren etxekimentüa eta baliatzea handitzez dola gazteen artean. Bestalde, Europako beste lürraldetarat joaitean eüskararen jakiteak hanko hizkuntzez jabetzea lagüntzen düala ere zeioien KORRIKAn kausitü dütügün herritik kanpo joan diren xiberotar gazteek.

Entzün Xiberotar gazteen lekükotarzünak eüskarari bürüz : 

Argazkiak: Joanes Etxebarria. Besteak ikusteko klika heben

Eüskararen egoera Xiberoan zertan da ? Azken urte horietan, eüskarararen leküa apürtü dela erranik izan da. Jakin behar da, 100 ikasletarik 73 eskola püblikoan direla Xiberoan. Horietan 100 ikasletarik 41 eüskaraz ikasten ari dira. Hor, ezberdintarzün franko agertzen dira eremü bakotxean. Adibidez, Basabürüan elebidün eskola bakar bat edireitan da, bena beste hütsüne ere badira Maule eskualdean. Hortakoz, zenzibilizazione kanpaina bat abiatzen dü IKAS-BIk bi mintzaldi antolatzez. Lehena, Atharratzen iraganen da martxoaren 19an arratseko 20.30tan Etxahun gelan, bigerrena martxoaren 20an ber tenorean Mauleko Herriko-Etxean. Düdarik gabe, podere püblikoen lagüntzaren beharra senditzen da, Xiberoan eskola elebidün horietan bi lan postü eterdi mehatxatürik beitira. 

Entzün Mixel Exteban IKAS-BIko kidea :