Bixente Zubiat eta Xavier Argain-ek irabazi düe, Pagolako arrabotüko lehen mailako eskü hüxka lehiakaren finala, iragan neskenegün arrestiritan Bittor Tikoipe eta Allande Luku-ren eretzean 30/28. Bigerren mailan, Stephane Luku eta Guillaume Barbaste nausitü dira, Yves Lopépé eta Ttotte Curutchet-en kontre 30 / 27. Bilan oso baikorra egin düe antolatzaileek. Pilota ez da hortan gelditüko, ürrietaren 4ean hasiko beita Amikuzeko 2. Trofeoa. Bigerren aldikoz, Donapaleuko USSP eta Lohitzüneko Azia pilota batarzünek alkarrekin antolatzen düe Elite Pro mailako lehiaka hori. Beraz ürrietaren 4ean 19:30etan Lohitzüneko trinketean, Larralde Amulet, Sorhuet Harismendy-ren kontre ariko dira. Ürrietaren 5ean 18:00etan Donapaleuko trinketean, Bielle Etcheto, Elgart eta Battitte Ducassou-ren kontre ariko dira. Ürrietaren 11an Donapaleun 18:00etan lehen erdi finalean, Lohitzüneko irabazleak, Lambert anaien kontre ariko dira. Eta ürrietaren 12an Lohitzünen 18:00etan, Donapaleuko lehen partidaren irabazleak, Larretxea eta De Ezkurra II-ren kontre ariko dira. Finala Donapaleun ürrietaren 19an arrestiriko 17etan jokatüko da.
Jean Michel Bonnefont Azia pilota batarzünako kidea :

Garindaineko Urrupean trinketeko Elite Pro mailako 9. Lehiaka jokatüko da irailaren 26 eta 28an. Bi erdi finalak ostiralarekin arrestiriko 19:00etarik harat jokatüko dira. Larralde eta Battitte Ducassou, Bielle eta Etcheto-ren eretzean dirateke eta ondotik, Sorhuet eta De Ezkurra II, Larretxea eta Harismendy-ren kontre ariko dira. Finala igande goizan jokatüko da 11:00etan, aitzin partidan aldiz 10:00etan Sébastien Queheille eta Patxi Cazenave Mauleko pilota batarzünako gazteak, Niang eta Ibañez Goizeko Izarrako parearen kontre ariko dira. Iganteko bazkariko leküen etxekitzeko deit 06 83 77 10 06 zenbakiala.
Philippe Sarraude antolatzailea :

Federale 1 rugby txapelgoaren kontü, Auch talde azkarra errezibitzen züan Maule-k eta galdü 30 / 13. Etxen bigerren galtzea da, orotara hiri galtze eta berdinketa batekin, hiru püntü dütü Maulek sailkapenean, eta hamar leküetarik bederatzügerrenean da. Dagün partida hamabost egünen bürüan jokatüko dü Graulhet-eko zelaian. Maulek, garaipenaren txerka joan beharko dü, Graulhet multxoko azken leküan beita.
Yannick Vignette Mauleko trebazailea :

Panpi Idiart eta Ximun Luku dira 2014eko Xiberoko eskü hüxka txapelgoako irabazleak. Aste ondarrean Urdiñarben jokatzen ziren finalak. 2. Mailan ostiralean jokatü zen finalean, Antton Etxeber eta Eric Etxart nausitü ziren J.Bernard Ayçaguer eta Cédric Samaldibe-n kontre 30 / 15. Igantean aldiz lehen mailan, Panpi Idiart eta Ximun Luku nausitü ziren beraz, Mixel Latxere eta Julien Arbeletxe-n eretzean 30 / 21. Aintzin partidan, 3. Mailako finalean, Sébastien Pochelu eta Paul Lacanette nausitü ziren Denis Aguerre eta Jean Jacques Carriquiriborde-n kontre 30 / 20. Xapelgoako antolatzaileek bilan baikorra egin düe aurtengoko lehiakaz, eta jadanik dagünari gogozkatzen hasi düela baieztatü deiküe.
Dominika Agergarai Olhasso antolatzailea :