Xiberoko eskü hüska txapelgoako lehen final erdiak, Garindainen, Herriko besten karietara jokatüko dira aste ondar hontan. Bena kasü beste urteer konparatüz kanbiamen badirateke. Lehen mailako final erdia neskenegünean jokatüko da arrestiriko 18etan. Mixel Latxere eta Peio Ginxandut, Christophe Cigarroa eta Ximun Luku-en kontre ariko dira.
2gerren eta 3gerren Mailako beste final erdiak aldiz igantearekin jokatüko dira. Igante goizan 10etan 3gerren mailan, Joanes Etxebarria eta Olivier Ximitx, Nikolas Urruti eta Allande Iritziti-en kontre ariko dira. Arrestiritan 17etan 2gerren mailako final erdia, Aizaguer eta Lafuente, Berazategi eta Sallaberri-ren artean jokatüko da.

Final erdi horien paradaz baliatü gira üdako partiden bildümaren egiteko, Alain Mugurdoi antolatzailearekin:

{jcomments on}

Igande hontan hasirik, gure kirol hitzordüak oro arra hasten dira.
Lehen hitzordüa igandean Mauleko federal 1eko partidarekin.
Nevers-eko taldea horra da Marius Rodrigo zelaialat.
Partida xüxenean dateke Xiberoko Botzan. Régis Claverie sütan dükegü. Astelehenean aldiz Mathieu Tauzin eta Benat Larrory berriz hor dirateke kirol aktüalitatearen barnatzeko. Igandeko partidaren alkarrizketak, ondoko hitzordüak eta prefosta erri eta arraieia franko...
Pazentziatzeko aintzin gozo bat argazki eta alkarrizketa honekin: Julen Goia Mauleko jokülari berria eta Bittor Abioittiz bere aspaldiko lagüna , biak Xiberoko Botzako zale berriak:

59 gerren mendi tinietako lasterkaldia abiatzen da maulerik ostirale hontan. Hiru egünez, urte oroz üsatzen den bezala ralia Xiberoan kurritüko da ralizaleen plazerantako. 97 parte harzale dirateke aurten. Eta berriz gaitzeko güdüka dateke lehen lekiarentako. Hiru dira aurten Jean Aguerren ber heinian heltzen ahal direnak: Anicet Garicoix, Louis Dronde eta Orategaray. Jean Bernard Pinque antolakuntza arrünkuak zoin diren eta seküla ez dila halako heina ikusi ralian erraiten deikü :

Mendikotako Rugby taldeak galdü egin dü 4. Seriako Frantziako txapelgoako finala Paris XO taldearen eretzean, Surgères herrian 23/24. Partida güzian azkarki güdükatü dira eta pausan aitzinean baldin baziren, Paristaren esperientziak pezü haundia üken dü partidaren ürrentzean. Xiberotarrak püntü ttipi batez galtzen düe, beren indar güziak ezarri ondoan. Hala ere abentüra izugarria izan da Mendikotako jokolari gazte horientako eta baliagarria izanen ere ondoko urteetanko.
Jean Marie Jaureguy trebazailea :