Sasu eder batetarik elkitzen da Mauleko Rugbi taldea. Lehen ekipa Federale 1 mailan aritü da eta fase finaletan galdü dü Limoges-en kontre, Nationale 2-tik hüilan. Dagün urteko anbizione gisa ezarten ahal düe goiti joaite hori.

Gazteetan ere bai kontent dira bürüzagiak proposatütako emaitza eta joküaz. Pentsatzen düe mentüz üngürü zonbait haboro igaiten ahalko zütüela gaztek bena 3 kategorietan talde hon batzüen gainerat erori dira fase finaletan. Frantziako txapelketako fase finaletara arte heltü direla azpimarratzekoa da. Beñat Queheille-ekin, Mauleko rugbiko presidentarekin horren berri hartzen dügü:

Idaula izeneko alkarteak bere biltzar nausia egin dü Urdiñarben. 200 bat kidez osatürik zen alkartea aurten.

Helbürüa Xiberoko adin orroetako jenter kirola eginaraztea da.

Malgotasüna, bihotza, giharreak lantzen ahal dütüe jentek, gimnastika ariketen bidez, haien ahalen eta adinaren arabera.

Horren berri emaiten deikü Luisa Queheille-k Idaula elkarteko kirol erakasleak:

Previous Next

Denetan bezal 2 urte konplikatü eta gero, alkarteak berriz bere aktibitate normala arrabildü dü.

Saskibaluan eta pelotan emaitza aski honak erdietsi dütüe urtearen kurtsean. Gazte mailek dütüe gaüza ederrak erakutsi bereziki pelotan. Finala zonbaitetara heltü dira aurten Gaztiak taldeko pelotakariak.

Hori orro aparte, Irabarneko plazako pala txapelketa joanarazten düe ere bai uda hontan.

Horren berri emaiten deikü Arnaud Lougaro-k Gaztiak alkarteko diharüzainak :

Previous Next

Urteko bilana arras baikorra bada, Nazional 1ak inbestizamentü galtatzen dü!

Baita beste taldeak ere aitzina eraman nahiak ere bai;

Urteko bilana eta dagün urtekoaren desafioak aipatzen deizkü Joimo Arhantzet Ziberoko ko-lehendakariak:

Sos lagüngoa baten emaiteko: https://www.helloasso.com/associations/zibero-sports-tardets/collectes/en-route-pour-la-n1