Atharratzetik Maulera, Ühaitza erreka bazterreko herri, etxalte eta familien leheneko historioak, besteak beste aipatzen düan Mémoires Souletines, Villages de la Vallée, Philippe Etxegoien Idauztarraren libürüa plazaratzen dü Elkar argitaletxeak. Orai zahartürik diren jenteen ganik bildürik anekdota edo lekükotarzün hanitxen bidez, etxeko jaunak, etxezainak, emütsak, eiherazainak ala buhameak aipatzen dütü, gizarteko harremanak ikertzez. Memoria kolektiboaren biltzea lan serios baten emaitza da, ororen bürü ikertze etnografikotik hüilantzen dena. Mémoires Souletines, Villages de la Vallée libürüa segida bat üken behar lüke, Xiberoko Olhetaz.

Entzün Philippe Etxegoien libürüaren idazlea :

Urdiñarbeko Bilxokoan emanik zen hitzordüa lehen "Taldekako Bertsu" biltzearentako arrakastak üken dü. Baionako Bilxokoa eta Xiberoko taldea algarren etzean eta algarrekin ari izan dira sekülako ümore eta giro hoberenean. 30 bat lagün bazkariteko eta bertsu oroer plazer egiteko, hona zer ziren osageiak lehen egün horrentako. Bertsualdi zinez honak, beste zonbait arruntago bena inportantena zen denen algarretatzea eta plazer hartzea. Dagün hitzordüa abentüaren 3ko emanik da Itsasuko Gaztetxean Itsasu eta Baionako taldeen artean.

Entzün Eneritz Zabaleta antolazalea eta parte harzalea :

"Ameriketan Eüskaldünak - Jose Mendiage Pastorala" eskentüko düe Arrokigesek 2012ko üztailaren 29ean eta agorrilaren 5ean. Diasporari lotütako pastorala date. Jose Mendiage Haspandar bertsulari bat da 18 urteetan, 1866an ameriketara joaitea erabakitzen düana beste hainbeste euskaldünen artean. Ürügoi eta Argentinan eramanetako  bizia da erakutsirik izanen pastoral hortan. Düala 17urte, Agirre Presidenta pastorala eman züen Arrokigesek eta aurten herritarrak berriz bildü dira Johaiñe Bordaxar herriko semeak idatzi düan pastoral horren emaiteko. Mustrakak urtailarren 7ean hasiko dira eta neskenegün oroz bildüko dira. Pastoral hontako errejenta Jean Fabien Lechardoy Barkoxtarra date eta kür eramailea Sophie Larrandabürü.

Entzün Johaine Bordaxar pastoraleko idazlea :

Paueko Eüskal-Etxea estrenatüko da azaroaren 26an neskenegünarekin. Paueko eüskaldünek hogei urtez egürüki düen etxea, azkenean berek kausitü düe. Setemerez geroztik, Lagünt eta Maita alkarteko inganio güziak, kanta, dantza, Gaü Eskola eta beste, 250 m2 etxe batetan iragaiten dira. Audela, libürütegi bat eta teknologia berriaz hornitürik güne bat ere baliatzen ahal da. Egoitza, Paueko Buros karrikan jarririk da eta egün oroz zabalik da, goizanko 10etarik- 12.00tara eta 14etarik-17.30etara, astegünez ere gaü güziz aktibitateak badira. Paueko Eüskal-Etxearen estrenatze egünean, animazione, apaidü eta besta badirate.

Entzün Jean-Pierre Urrutia Paueko Eüskal-Etxeko lehendakaria :