Zazpiak bat harreman sareari esker, Xiberoaren egüna antolatürik zen igaran neskenegünean, Nafarroako Berriozar herrian, Xiberoko Botza irratiaren alde. Sekülako batzarri hona eginik izan zeikün goizetik eta zinez egünaldi eijerra iragan günüan. Goizan, merkatüa egin zen Xiberoko ekoizpen ezbardinekin eta dantzariek bazterrak alegeratü zütüen, Berriozar herriko aüzapezaren hitz hartzearekin. Ondotik, bazkaria, bertsu saioa eta Maddi Oihenart eta Jeremi Garaten kantaldiarekin ürrentü zen egüna. Eskerrik hanitx beraz Berrioztar oroer ! Alkartarzünak ez düela mügarik erakutsi deiküzüe orano ere !
Huna egünaldi horren bideo bat :
{youtube}fRo8Kq79khA&feature=player_embedded{/youtube}
Eta xehetarzün haboro bildü nahi bada, eguzkiplaza.net web günean atzamaiten ahal da.
Eskerrik hanitx ere bai, nola ez, gure süstengüz Berriozarrera huillantü zideen oroer, müsikari, dantzari, kantari eta animazale ezbardin oroer, züek gabe ez baitzateküan posible egün horren antolatzea.

Azken 40 urteetan Xiberoko Ikastoletan lanean ari izan diren andereño, aitetamak eta lagüntzale güziak uhuratürik izan dira, ikasle ohiek eman düen Olaz Ola Ikas ikusgarriarekin, neskenegün gaüan Mauleko Jai-alaiean. Irudi, antzerki, bertsu, kantore eta dantzaren bidez, sortzetik egün artinoko Xiberoko ikastolaren historia kontatürik izan da, hüillantü den milako bat jenteen aitzinean. Ikasle ohiek nahi izan düe erran, eüskara ez dela Ikastolen eskü bazik, Ikastola bizi behar dela bai, bena karrikan ere eüskara erabili behar dela eta ez bada Ikastolatik iragaiten ere, eüskara biziarazi behar dügüla ororek. Olaz Ola Ikas ikusgarria berriz emanen da dagün barantailaren 27an igantearekin Luhosoko gelan Xalbador ikastegiaren alde.

Entzün ikusgarriko zati zonbait :

Kantore, ipuin, erran zaharrak ala istoriak, eüskaraz, frantsesez, biarnesez ala portügesez, bildü, lantü eta grabatü dütüe Eskiulako eskola püblikoko ikasleek. Ikasleen etxeetan eta etxenkoen bidez bildürik ahozko ondarre kültürala bildü düe eta zonbait aldiz arramoldatü. Mixel Etxekopar errejent-ibilkaria, Pierre Vissler teknikalaria eta Eskiulako haurrer esker, Behin Bazen Eskiula dizka berria plazaratzen düe. Gizaldien arteko transmizioa berpiztürik eta lagüntürik izan dela azpimarratü deikü Mixel Etxekoparek. Dizkarekin batean, ikasleek apaintürik libürüxka bat ere osatü düe. Behin bazen Eskiula dizka berria Eskiulako eskolan edo Mauleko Herri ekoizpen saltegian atzamaiten ahal da .

Entzün Mixel Etxekopar errejent-ibilkaria xedea builtarazi düana :

Ikastolek Iparraldean, 40 urteak bete berri dütüe. Xiberoan aldiz, 40 urteak 2012an ospatüko dira, 1972an sortü beitzen lehen ikastola Maulen. Horren kari, XIIO (Xiberoko Ikastoletako Ikasle Ohiak) alkartea sortü da eta ikusgarri bat prestatü dü, neskenegün hontan abendüaren 11an emanen düana Mauleko Jai-Alaian. Berrogei  bat ikasle ohi jüntatü dira beraz, Olaz Ola Ikas izeneko ikusgarria plantatzeko eta aurten eraman düen lana ikusteko parada dükegü. Berrogei urte horik, hatsarretik eta egünko egüneala, müsika, kantore, filma, argazki, dantza, antzerki eta bertsuen bidez presentatürik izanen dira. Ez hüts egin, Olaz Ola Ikas ikusgarria abendüaren 11an neskenegünarekin, Mauleko Jai Alaian gaüko 9 orenetan. Sartzea 12 eurotan finkatürik da eta dohainik 12 urte petik. Jai-Alaia ere berotürik izanen da.

Entzün Argitxu Camus eta Ihitz Iriart bi aktür eta antolazaleak :