Donostiako Antzoki Zaharreala hüilantü den jentea, ez da egiazki dolütü, 2012ko Euskal Kantu Txapelketako finalan. Hamar kantari bederazkan, 9 biazkan, 8 talde, A Capela edo müsikaz lagüntürik, hoberena eman düe hor agertü diren kantariak eta maila zinez hon erakutsi düe. Gaüza arrunt ezberdinak entzün dira, erritmatürik, goxoak, alagerak, ümoretsüak, barnakorrak. Hona zoin izan den sailkapena, lehen saristatüetan bederazkan, Baigorriko Maitena Monacok dü txapela jauntzi, biazkan Bizkaiko Olatz Goikoetxea & Ezti Olivaresek. Taldeetan Iparraldeala jin da berriz ere lehen saria, Senpereko Hiru Soinü taldeak beitü esküratü. Sorkuntzaren saria joan da Gipuzkoako Jon Anza kantariari, berak ere bederazkan bigerren sari esküratzen züalarik. Azpimarratzeko, sari berezia üken düela, Xiberoko Claudine Arhantcet eta Elsa Oliarj bikoteak. Azkenik, omenaldi hunkigarri bat eskentü deio Eñaut Etxamendik, Eñaut Larralde bere kantari lagünari eta adixkide zenari.

Xardekan Jondane Johaneko süaren üngürüan dantzatü aitzin, dantza ikastaldi bat antolatzen dü Gotaineko Abotia alkarteak. Aitzina Pika, ahüntza, moñeinak eta beste jauziak baita fandangoa eta arin-arin, dantza horiek ikasten ahalko dira bi taldetan zatitürik, aldiz oroentako Lantzeko ihauteriak, Jondane Johaneko dantza eta Ekialde. Dantza ikastaldi hau arramaiatzaren 18tik-21ala iraganen da Gotaiñeko gelan arratsez 20.00tarik-22.00tarat. Kursoak oroer zabalik da 12 urtetarik aitzina, parte hartzea dohainik da Gotaine-Irabarnetarentako eta 10 eurokoa besteentako. Izenak eman behar dira Nicole Lougarot-i 05.59.28.32.16 zenbakila deitzez.

Entzün Nicole Lougarot antolazalea eta dantza erakaslea : 

26 kantore emanik izanen dira arramaiatzaren 16an Donostiako antzoki zaharrean, Eüskal Herriko kantu txapelketaren finalen kari. Horien artean, Barkoxeko erdi-finalan haütatürik izan diren Zibero Sport, Anne Bidalun, Maite Sarraillet ta Graxiana Castillon, Claudine Arhancet eta Elsa Oliarjek Xiberoa ordezkatüko düe. Arrestiriko 6etan hasiko da jeia, arte bat hartürik izanen da Eñaut Larralderi omenaldi baten eskentzeko. 500 lekü izatez aholkatürik da leküen aitzinetik hartzea internetez helbide hontan www.kutxasarrerak.net eta txerka datan ekainaren 16a. Telefona zenbaki hontara ere deitzen ahal da (00 34) 943 001 200. Bestalde, xiberotarren süstengatzeko otobüs bat antolatürik da Mauletik, interesatürik zideen güziak harremanetan sar 06.84.39.13.64 telefona zenbakiala deitüz.

Entzün Juan Luis Aramburu Euskal Kantu Txapelketako antolazale bat :

Aurtenko Gaü Eskolaren Tipiñakoa Garindainen igaranen da arramaiatzaren 17an igantearekin. Bi eta hiru jenteen arteko sükaltari taldeak egiten ahal dira eta taldeko bakotxari 6€ kosteko zaio parte hartzearen trük. Axuria Gaü eskolak emanen dü eta bakotxak bere mahain, gaza eta bere gisako axurkiaren prestatzeko behar dütükean osagaiak ekarri beharko dütü. Aldiz, beste janari güzia, Gaü Eskolaren gain datekealarik. Bazkaria dener zabalik da 16€ en trük. Animazioak ere ez dirateke eskaz, Tokia  antzerki taldeak «Kokolo Batxi » klun ikusgarria eskentüko dü. Segalari, axkolari izanen dira eta azkenik, Gaü Eskolan urtearen kursean ikasleekin egin dütüan filma llabürrak eta sketx delako zonbait nahianter erakutsirik dirate.Tipiñakoan parte hartzeko izenak eman 05.19.18.44 zenbakiala deitzez.

Entzün Stéphanie Moustrou Xiberoko Gaü eskolako erakaslea eta Itxaro ikaslea :