Gatuzain argitaletxeak Xiberoko kültüraren geroaz eztabaidatzea proposatzen dü. Aitzineko lau hitz-ordüetan egin bezala, Gatuzainekin libürü bat argitaratü düen idazleak bildüko dira Urdiñarben, beren iritzia eman eta jenteekin eztabaidatzeko. Xiberoko geia, erran bezala hau da : "Xiberoko kültüra, nolako geroa ?". Ikuspegi ezberdinetarik ariko dira ihardesten Nicole Lougarot (Bohémiens), Robert "Pipas" Larrandabürü (Xiberoa, mendia eta kültüra) eta Hélène Etchecopar Etchart (Théâtres basques).
Ostegünean izanen da (azaroaren 26), Bil Xokoak Urdiñarben düan egoitzan, Junuenean gaüko 8.30tan.
Aitzineko mahai-üngürüetan Espainiako gerra zibila, ipar Eüskal Herriko mugimendü abertzalea, eüskaraz idazteak edo etxebizitzak sortzen dütüan arrenkürak aipatürik izan dira. Hartzea Lopez-Arana, Gatuzain argitaletxeko kideari aitzineko eztabaiden bildüma gisako bat galtegin deiogü.
Entzün arrapostüa :

Pier Pol Berzaitz, Bernardo Atxaga eta Joseba Sarrionandiaren hitzekin eta Théâtre du Versant antzerki taldeak emanik ikusgei dateke neskenegün hontan Diaspora bidaian antzezlana. Eüskal Herritik kanpo bizi diren eüskaldünen historiari hersatüko dira antzezleak, bena ez hortara bera.

Entzün antzerki taldeko Benoit Etcheverry :

Mauleko Ondarearen etxean ikusten ahal dira Jokin Hullin xiberotar gaztearen margolanak. Erran deigünaz bi urte iragan dütü margotzen, eta ibilbide horren helmüga da erakusketa hau. Taulak ez dira denak estilo berekoak, heben ezarri dütügün zonbaitek erakusten düen gisan. Erakusketa urtarrilaren 2 artino ikusgei da.
Entzün Jokin Hullinentako zer den erakusketa hau :

Benito Lertxundik dü aurtenko Agosti Xaho saria ükenen. Haren aitzinetik Jean Mixel Bedaxagar, Junes Casenave, Daniel Landart, Jean Louis Davant eta Txomin Peillenek üken züen. Kantari gipuzkoarrak plazaratü dütüan hamasei disketan behin eta berriz ageri da Xiberoa eta Nafarroarekiko düan lotüra. Segürrenik hargatik dü Agosti Xahok omentü nahi.
Neskenegünean kantaldi bat emanen dü eta ondotik dü esküetan hartüko Agosti Xaho saria. Bizkaiako Zalla herrian izanen da gaüko 8 orenetan.
Entzün Benito Lertxundi Xiberoaz elestatzen :