"Oroitzen naiz"  dantza sorkuntzaren filma hedatüko da, ürrietaren 4ean Hebentik alkartearen egoitzan, Mauleko Matalas karrikan arrestiriko 19:00etan. Sorkuntza horrentzat, Mizel Theret koreografoak, aparteko hiru dantzari alkartü zütüan, orain adinean aitzinaturik : Jean Nesprias (84 urtekoa), Philippe Oyhamburu (90 urtekoa) eta Koldo Zabala (75 urtekoa). Hiruetarik bakoitzak bere bizia dantzari eskaini zion. Sorkuntza horren helbürüa ez zen omenaldi baten egitea, ez eta gizon horien ibilbideak oroimenez behatzea ere, baizik eta horien jentarzün osoaren argitara ematea. Obra intimista hori, nausitarzünez, eztitarzünez beterik, keinüzko komünikazio soil batean oinarritü zen. Bestalde, dantzariaren gorpitzaren zahartzea, bai eta gorpitzaren oroimenarena ere, sorkuntza horren minean izan ziren.
Mizel Theret :

Muskildiko herriko bestak ospatüko dira, irailaren 12,13 eta 14ean. Ostiralean 21etan, azken urteetako maskaradetako xorrotxek kantaldi bat eskeiniko düe. Neskenegünean Esne Beltza talde famatüak sonü üholdea sortaraziko dü. Eta igantean Xiberoko eskü hüska txapelgoako azken erdi finalak jokatüko dira, 3. maila 11etan, 2. maila 16etan eta ondotik lehen mailakoa.
Entzün Xabier Solano, Esne Beltza taldeko kantaria :

2014-2015 Maule hiriko Kültüraldia ostirale hontan hasiko da. Sasoi berria estrenatüko da peko plazan 19:00etan. Aihalaitzina müsikaz alageratürik proposatürik da lehenik, edari eta pastetxekin. 20:00etan, Hendaiako Rouge Eléa konpainiak, Ronde ikusgarria emanen dü eta ondotik “Du plomb dans le gaz” obra emanen dü Okzitaniako Tolosa hiriko La famille Goltini taldeak. Sartzea dohainik dateke. Egitarau osoa esküaltzekoa da ere herriko etxean.
Béatrice Lahargoue Mauleko haütetsia eta Pascale Lasnier kültür animatzailea :

Irakurri gehiago ...

« Xiberoa 1914-1918-ko gerla denboran » Ikerzaleak alkartearen erakuska ikusgei da, Mauleko Ondarearen Etxean irailaren 27-ala. Argazkiak, lekükotarzünak, urte horietako dokümentoak eta bestez osatürik da. 2006-an plazaratürik izan zen lehen aldikoz, eta Ikerzaleak alkarteak, aurten gerla hontako ehüngerren urte bürüa izanik, oraino ikusi ez düeneri haren eskeintzeko, parada horrez baliatü da. Mauleko Ondarearen Etxea bülegoko tenoreetan zabalik da.
Joël Larroque Ikerzaleak alkarteko kidea :