Igantean, Zalgize eta Iruriko gazteek eman düen maskaradetako lehen emanaldian, Xiberoko üsantxa zaharra ohoratürik izan da. Aro düdakorrak jenteak ez dütü izitü eta Zalgizeko arrabotü ttipia ederki beterik zen. Beltzeriaren joküa, buhame eta beltzen perediküak, dantzariak, kerestüak, eta nola ez aipa bi xorrotsak, püblikoa botzik zen eskeinirik izan zen maskaradaz. So egileek, erri egiteko parada ere izan züen, bereziki buhameen flakeziaz ezpata dantzan eta godalet dantzan godaleta ahatzerik izan zelarik. Dagün elkaldia barantailaren 9an igantearekin Atarratzen date.
Entzün Artzen Letonaren erreportaia :

Susanaren iraultza deitzen da Esther Carrizo klunak, igantean abentüaren 22an Mauleko Hebentik-enean aurkeztüko düan lana. Esther Carrizoren klun personaia, ikerzale feminista bat da. Klunaren mündütik aipatü deizkü, emazteen borrokek egin bideak. Bere helbürüa ez da gizon eta emazten arteko desorekaren salatzea, baizik eta gogozkatzea, nola zübiak eraiki bi sexuen artean, harreman goxoagoen ükeiteko..hala ere, bera dionaz, ez dü errezetarik hortarako.
Esther Carrizo :

Dagün igantean, barantailaren 2an, Xiberoko ihauteak abiatüko dira Zalgizen. Zalgize eta Iruriko 25 bat gazte alkartü dira aurtenko maxkaraden prestatzeko. Aurtenko berezitarzüna date, herriko bozka kanpaina denboran kurritüko direla herriz herri eta horrek ekarri behar lüke interes berezia. Barantailaren 2an date lehen emanaldia Zalgizen, azkena aldiz maiatzaren 14an Irurin, orotara 14 edo 15 emanaldi segürtatü behar lütükie. 
Arnaud Basahon Kabana :

Irakurri gehiago ...

Negü Bürüa edo negüko solstizioaren ospatzeko Hebentik alkarteak kümita zabaltzen deikü. Jondane Johane ospatzen den ber moldean, dantza, ardo, gaztain, sonü eta süa osagaiekin besta eginen da. Negü Bürüko Süa besta dagün astelehenean Gotainen, abentüaren 23an gaüko 19etarik harat ospatüko da. 19etan dantza ikastaldia, 19.30etan ardu berotüa eta gaztainak Abotia alkarteak eskeinirik, eta 20etan, negüko bralea süaren üngürüan. Junes Cazenavek negü bürüaz eskeini deikün aipamena zabaltzen deizüegü.
Junes Cazenave :