XÜXENEAN ENTZÜN

Kultura

"Magouilles et Conflits de canards" antzerkia proposatzen deikü Mauleko Kültür sailak azaroaren 15ean, ostiral gaü hontan 21etan Urdiñarbeko gelan. Jean-Marc Magnoni eta Jérôme Paquatte-n obra bat da. Azken hura antzezlan hortan aktore da Floriane Muller-ekin. 2012garren urtean sortü zen antzerkia eta Avignon-eko antzerki festibalean arrakasta bildü züan. Elür erauntsi batean, hirietako emazte farfana eta trunpamunde Pamela agertzen da, ahate hazle emazte hein bat bahesta den Josetteren etxera. Pamela trapuzeroak laster ikusten dü laborarisak sos ontsatto badüala geinhatürik eta egin ahalak oro eginen dütü osetteri kausitzeko : bai alegia adiskide handi egin direla, gizonekilanko arrolatze kokillot elibaten kontatzez..... Gure laborarisak zer ote gordetzen deikü ? Erri zapartaz ariaraziko zütü, neskatila harro eta kixkil baten eta emazte fardeil arteko kürütxatze honek.
Floriane Muller aktorea :

Argazkia : Beñat Larrory«Parce que la vie va parfois de travers » Laure Gomez Liginagako margolariaren lehen libürüa plazaratzen dü Astobelarra argitaletxeak. Margoak eta textoak nahasten dütüan berehün orrialdeko libürü hortan, egünoroztako biziaren memento erriegingarriak edo ere seriosagoak jorratzen dütü idazleak, beti gaurko emazte gazte baten ikuspegitik. Atarratze eta Maulen atzamaiten ahal da libürüa baita ere Astobelarra argitaletxearen web günean.
Laure Gomez :

Giroa badateke igantean Mauleko Peko arrüan. Zapartaenea ostatüko Jean Pierre Aguergarai-ek eta Zinka ostatüak gaüaldi berezia proposatzen deiküe 19etarik harat. Lehenik züntzür bustitzea eta aiharia dohainik badateke, eta KWAY 731 taldea, hots Kuntzulu-k bazterrak alegeratüko dütü Zapartaenean. Ondotik 23etarik harat, Zinkan lüzatüko da gaüaldia, Kadafist Brothers eta Iparretarrok taldeen kontzertüekin.
Niko Guiresse Zinkako kidea :

Eüskara hartü eta honen berme erri egin. Hau da Pantxo Teilerria eta Mikel Martinez antzerkilariek haütatü düen ildoa. Hebentikenearen kümitari baietza emanez,  Euskarazetamol lanaren ondotik, Lingua Nabajorrumekin horra zaüzkü Barkoxerat igante hontan. Big Bang delakotik hasiz, Kromañonen garaian gainti, Eüskarak etengabeko borroka baten bidez düala iraiñ dio obra absürdo honek. Monty Pythonen espiritüa hartürik, ezketxak herrokatzen dira bata bestearen ondotik sorzaleek berek diotenez, dibertitzeko momentü bat zaükü eskenirik, Legua Navajorrum hontan… Hitzordüa, igante arratsean 18etan, Barkoxeko denen etxean…
Mikel Martinez antzerkilaria :

Aurélie Solanille Alozeko gazteak dü, Laurent Béguerie-ren segida hartü Azia alkartean. Bi urte iragan dütü Laurent-ek alkartean, permanente postüan, eta Mihia Pitz telebixtako joküaren arrakastarekin üzten dü alkartea. Aurélie Solanille, azken urteetan Xiberotik ürrün bizi izan da, Irlandan eta Parisen ikasketen egiteko. Xiberoala ützülirik, Azia alkartean lanean aritzeko haütatürik izan da. 
Aurélie Solanille eta Laurent Béguerie :

Ausaz

Kronika

Emankizüna

Artxiboan