Sustrai Colina Hendaiarrak dü irabazi 4. Xilaba, Ipar Euskalherriko bertsolari txapelketa. Azken bürüz bürükoan, Maddalen Arzallus-ekin lehiatü zen. 3. leküan Odei Barroso sailkatü da eta azken honek, kantatzeko manera honenaren sarixtatzeko Txato saria ardietsi dü. Ondotik, Eneritz Zabaleta, Xumai Murua eta, Ramuntxo Christy sailkatü dira. Baionako Lauga gela beterik zen eta sei bertsolariek saio ederra eskeini züen. Haren entzütea osotarzünean parada eskeintzen deizüegü.
Xilaba finala :

2000 jente hüllantarazi zütüan Baküna Show ikusgarriak ostirale eta neskenegünean Maulen. Xiberotar dantza tradizionalarekin sorkuntza moderno eta fresko bat sortü düe, Xiberoko dantzaren historioa kontatüz. Püblikoa gozatü da eta arizaleak ere. Orain gaüza gogorrena, Xiberotik kanpo emaitea eta ber arrakastaren biltzea. Azaroaren 22an Hasparnen emanen da, Ürtarrilaren 24an Angelün, Ürtarrilaren 31an eta Barantailaren lehenean Donapauleun eta azkenik Donostin.
Entzün Artzen Letona eta Dominika Rekalt-en erreportaia :

Sü Azia kültür alkarteak, bere interneteko günean lau mila audio dokümentü entzüteko gisan ezarri berri dütü. Sü Azia elkarteak, züen eskü artean ezarten dütü 1960, 1970, 1990 urte alteetan jente ezbardinek bildüriko soinüak. Minüta bateko zatiak entzüngei dira, dokümentü horik ere osoki entzün ditzakezüe. Hortarako, Sü Aziarekin harremanetan sar zite helbide hontara : Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko.. Bestalde, Agosti Xahoren “Voyage en Navarre” libürüaren eüskarazko ützülpena plazaratüko dü negü hontan eta Jakes Sarraillet-ek eüskaralat ützüli züan, Jean de Jauréguiberry bedeziaren “Basabürüan” libürüa ere berriz plazaratüko dü.
Battittu Coyos alkarteko presidenta :

“Baküna show” Kompany Beritzako dantza taldearen sorkuntza garaikidea taularatüko da lehentze, azaroaren 7 eta 8an Mauleko Jaï-alaïean. Xiberoko dantza eskola ezbardinetan ikasi düen gazte multxo baten xedea da eta düala 18 hilabete hasi ziren sorkuntzari korpitz emaiten. Ikusgarriaren sortzeko talde bat osatü zen Johañe Etxebest-en üngürüan.  Edu Muruamendiaraz, Gipuzkoako dantza maisuaren lagüntza üken düe koreografien asmatzeko, jauntziak Juana Etxeberri-k, sonü bandak Andde Carrère-k dütü egin, Marc André Nicolao-k argiak eginen dütü. Sartzeak salgei dira jadanik, Xiberoko turisma bülegoetan.
Johañe Etxebest :

Irakurri gehiago ...