Previous Next

50 bat pertsona hüllantü dira xiberoko sindikatüko bilküralat igan neskenegünian.

Iratiko etxolak Xiberoko sindikatüko sos sartze importante bat da, eta zerraldiak galtzeak ondorioztatü dütü. Leküko mozkinak proposatzen dütian saltegian aldiz, irabaziak azkartü dira.

Langile beharra bada Iratin, etxolen xahaketen egiteko. Eta 6 etxola zerratürik dira mementoko, arra berritzen ari beitira.

Departamentüaren kargü pean da Holzarte zübiaren arra berritzea, eta dagün apirilan arra zabaltü behar lüke güneak. « Plateau galvanisé » lehengeiak zurra ordezkatüko dü iraigarriago izateko.

Ihizteka uste beno lehenago ürrentü da zerraldiarengatik. Aurten, lepoen eta kabanen antxerak izan behar diateke, bena ihizlari zonbaitek urte batez pusatzea nahi lükie. Hilabete undarrean erabaki bat hartü beharko düe.

Jacques Barrex, xiberoko sindikatüko lehendakaria :  

Previous Next

Axuriak nekez saldü dira sasu hastapenean: prezioak 0,40€ apaltü dütüe igan urteari konparatzez !!

Eüskal-Herriko hazleak ürrietan ziren hasi lehen axurien saltzen, COVID kontextü hontan haste oso gogorra izan da.

Egüberrialat artino Espainialat saldürik dira axuri haboroxenak, galto apala gatik prezioak apaltü behar üken dütüe egüberri artino. Egüberriz aldiz kausitü düe prezioen hein batetan arragoaraztea.

Geroa türbütx da axuri merkatüarentako, bazkoz Frantzialat saltzen dütüe axuriak bereziki jatetxer. Jatetxen zabaltzeak edo ez axuri merkatüa finkatüko dü ondoko hilabeteetan.

Axuria kooperatibako Peio Quihillalt: 

CAOSO kooperatiba, Jean-Michel Iroumé: 

Previous Next

Urdiñarbeko ardi zentroa lanean ari da ardi zelekzionean, inzeminazioneak eta eznekontrolak ere egiten dütüe. 1500 laborari jarraikitzen dütüe Eüskal Herri eta biarno osoan, bürü gorri, bürü beltz eta biarnes arrazetan.

Hatsarrean ardiak ezne kantitatearentako haütatürik baziren. Düala 15 bat urte ezne kalitatea, herapearen osagarria eta jeisteko aisatarzüna geroz eta haboro zelekzionatürik dira.

Laborariek nausiki txerkatzen düena ezne kontrolarekin da kausitzea elkitzen düen ezne heina eta emaiten düen bazkariaren artean heinaren atzamaitea. Erran nahi beitü fresak ez ditüan goregi izan salprezioaren arabera.

Jean Claude Basagaisteguy eta Agnes Aguergaray :

Previous Next

Ez gira beti ohartzen zonbat eskü badiren saju betean fruitu edo barazkien biltzeko…

Bada orai 2 urte eterdi Joana Hoqui etxalte desberdinetan kurritzen dela langile gija.

Aurten, Lahontaneko « Verger Lasserre » etxaltean lan egin dü. Han, sagar eta kiwiak egiten dira 22  hekatarretan. Eta ikusiko düzien bezala, ez dira Xiberoko ber sagartze motak lantatürik….. sagar frekoak proposatzen beitütie.

Kanpotiar hanitxek sajuak egiten dütüe etxalte handietan, jenteek ez beitütüe lan baldintza gogorrak honartzen. Üsü kontratü llabürrak dira, fisikoak, eta ez ontsa pagatürik.

Zerraldiarekin, etxalte ttipietan ez da müga zerratzeen arrenküa hainbeste senditü Joana Hoquien arabera.

Joana Hoqui :