Saretegien itzüllia jarraikitzen dügü. Atzo, ürzo saldo gaitzak ikusi badütüe Napaleko saretegietan ez düe 60 ürzo beno hanitxez haboro ediren. Atzo eki jeikagiako haizea beitzen, eta Napalgo sareentako hori beitüe etsaia.
Orain arte urzo güti igaran denez, ürrietaren 3tik 380bat ürzo baizik ez dütüe atzaman. Bena üdüriala urzo sasoa orai hasten da egiazki. Diala 2 egün Bordale aldian ürzo saldo animalekoa igaran beita. Ordian atzo igan ez dienak ondoko egünetan iragan behar lükie.
Atzo Ximun Napaleko ehiztariekin elhestatzeko eküratü da. Solasaldi erditan ürzoak ere igan dira. Horra Xabi Elgart eta Patrik Lousteau-ekilako elgarrizketa :

Merkatü dohain bat abiatzen da Irurin dagün neskenegün goizan.
Erran behar da hirugerren urtekoz antolatürik dela merkatü hori, non ere bakotxak nahi düana ekarten düan eta nahi düenarekin arrajoaiten den.
Izen emaiterik ez dateke, eta sakolak hütsik jiten bazide ere zerbait hartzen ahalko düzüe.
Lagün talde batek dü hori abiarazi, eta helbürüa da urtean behin sos mündütik elkitzea.
Animazioneak badirateke egünaldiaren zehar, bai haurrentako bena ere gehitientako.
Züen oihaneko Egürren haütatzeko eta lantzeko  animazione bat badateke edo orano sagar zonbaitekin jiten bazide, honen jüsa elkitzeko parada dükezie.
Johañe Etchemendy Gohetx:

Ürzo sasoa abiatü bada, ürzo güti orain arte. Hatik, gisala hamar bat egünez batean igaraiten dira oro. Üdüri lüke denbora hori ez dela orano jinik. Ürzoak alorretan beitira, arto jaten. Eta gain horietako bagoetan bagotxa güti.
Zonbaitek negüa ere pe horietan igaraiten omen düe gerogo eta haboro.
Bestalde kostaldetik igaraiten dira ere gero ta gehiago.
Halere turistak beti nunbrean hüllantzen dira, süstut Oskaxeko lepoan.
Ihitztekari den Dominika Patalagoiti:

Xiberoko laborantzaren geroa, jente hanitxen arrenküra dela frogatü da, neskenegün goizan Irabarneko gaztelüan iragaiten zen biltzarrako parte hartze haundia ikusirik. Laborari gazte, ez hain gazte, emazte, haütetsi ala herritar, 200 bat jente hüilantü zen. Eztabadak lekü haundia hartü züan eta lürra, instalazioa, transmizioa, Mauleko hiltegia baita ere laborariaren errebenioa bezalako problematikak jorratürik izan ziren. Orohar, laborantzaren geroa ez dela bakarrik laborarien arrenküra azpimarratürik izan zen eta aterrabideak laborariak eta jentartea mobilizatüz atzamanen direla gehitürik izan zen. Neskenegüneko biltzarra Xiberoa Herri alkargoak lüzatürik lehen hitzordüa zen eta oso emankorra izan zen. Ondoko sei hilabeteetan gogoetak jarraikiko dü, kooperatifa, Cuma eta beste laborantzako egitürekin eta 2016eko bedatsean proposamenak eginen dütü alkargoak, laborantza politika baten zütik ezarteko.
Mixel Etxebest alkargoako presidentordea :