Hegazti gripaz ,Departamentko laborantxa kanberak hitzeman dü prentsaren aitzinean,  ahalak oro egiten zütüala hegazti gripari bühürtzeko arraoen apalarrazteko, hala nula hazkuntzen hustea 4 edo 5 astez 8ren partez, eta bestalde hazkuntzen süstengatzeko sos lagüntzak ere galteginik dira.
Aste hontan ministeritzak argitü behar lüke nola eta zer gei düan egin hazkuntzen süstengatzeko.
Arte hortan departamentüko laborantxa kanberak nahi dü bere botza entzünarazi , Evelyne Revel, St Gladie eko hazlea , laborantxa kanberako ordezkaria da eta Maite Lephailleren mikroan Laborantxa kanberako ikuspüntüa emaiten deikü:

Urte ondarreko axuri merkatüa manera ezinago honean joan da, Xiberoko Axuria eta CAOSO kooperatifentako pürü.
Üsatü bezala Españako merkatüan izan da galdo nausia eta bi kooperatifetako ardüradünek erran deiküen bezala galdoa azkarra izan da.
Alde batetik, Españako merkatüan axuri güti beita saso hontan, eta bestetik, artzain heina ttipitüz beidoa, axuri hazkuntza ere ondorioz gibel ari beita.
Prezioak hein honekoak izan dira, bataz beste 4 eurotan kiloa.
Orain Frantziako merkatüari ersatüko dira, bena jadanik arrenküatürik agertzen dira, Frantzian bai eta orohar Europan, aragi geroz eta güttiago jaten beita azken informazio kampainaren gatik besteak beste. 
Jean Marie Etxegorri:

Düala 20 bat urte desagertü zen, agalaxia, eritarzüna berriz agertü da Montoriko  ahüntz hazkuntza batetan  eta  ahüntzak orro ehoarrazirik izan dira , eritarzüna laster hedatzen delakoz.
1975 eta 1990 an , 120 bat ardi hazkuntza honkirik izan ziren eta neurri zorrotzak hartürik izan ziren eritarzünaren zaintzeko.
GDS (groupe de défense sanitaire) izeneko egitüra bat sortü zen departamentüan , eritarzüna zaintzeko eta aldi hontan ere ber maneran lana eramaiten düe.
Montoriko hazkuntza güzietan ikerketak  egiten hasirik dira eta hebentik hilabeten barne jakinen da eritarzüna hedatzen denez edo ez.
Halerik ere ,GDSak uste dü eritarzüna ez dela hedatüko, ahüntzak etxalte hortarik ez zirelakoz elkitzen , oranokoan hatik ez dakie nolaz heltü den etxalte hortarat.
Arnaud Etchebarne Ajia:

Chaumes gaznakagian,saso hontako ardi eznearen prezioa, pentsatü beno goizagoñi eta aisago finkatürik da.
Lehenik oritarazi behar da iragan urtean ez zirela adostü bi parteak prezioaren finkatzeko eta lehenagoko ber prezioa etxekirik izan zela 2014-2015eko sasoarentako.
Aurten beraz bi jüntaren egitea aski izan da adosmenaren kausitzeko.
Oinarizko prezioa, 1000 pintarentako 1010 euroetarik 1020etara iragan da.
“Saisonalitatea”-ren heinaren bataz beste 4 euroko emendazionea adostü da eta sormarkako eznearen prezioa, oinarizko prezioaren emendazionea kontütan hartü gabe, ber prezioan egonen da, 1080€ 1000 pintarentako.
Erran behar da Chaumes gaznakagiak ez düala kasik batere sormarkako gaznarik egiten.
Philippe Petit: