Napal eta Oxakaxen, bestetan bezala, ürzo sasoa berehala ürrentüko da. Napalaen aste ondar hontan 1000 ürzoak gainditü dütüe. Alta, kostaldian dira orai igaraiten ürzo saldo haboxienak. Oxkaxeko saretegian , sasoa hein bat hona izan da ere, ostirale hontan 635 ürzoetan beiziren. Parada Ximun Uthurralt gure lankidearentako harat hüllantzeko. Oxkaxeko  saretegia han balin bazinden bezala:

Etxalteen transmizioaren aipatzeko, berogei ta hamabost urte baino haboro düen xiberoko laborariekin alkarikusaldiak proposatzen dira larrazken hontan.
Departamentüko Laborantza Ganbarak eta SAFER egitürak transmizioaz eramanen düen Lürralde animazionearen lehen ürratsa dateke.
Segidarik gabe diren Xiberoko 155 laborarieri jünta bat proposatzen zaie, informazione emaiteko, entzüteko, geroaren aipatzeko.
Bigarren ürrats batetan, elkarrizketen emaitzen araberako diagnostika zabaltüko da, transmizioaz eginen den forum delako batetan, non ere problematikari lotürik diren egitüra püblikoak parte hartüko düen.
Azkenik, agertüko diren transmizio xede eramaileeri segidapen berezia proposatüko zaie.
Mirentxu Hirigaray:

Azkorria kooperatibak larrazkeneko feida egiten dü neskenegün hontan. Erosle fidelak eskertzeko merke saltze bat egiten düe. Bena gazna txastatze eta erosteaz gain, Azkorria gaznakagiaren bisita egiten ahalko dateke. Audela jateko eta edatekoa hor izanen beita, parada ejerra dateke kooperatibako laborariekin elestatzeko. Laborariak  16 izanki eta langileak 6.
Aurten, 10. gazna sajua dü Azkorriak, eta badü 2 urte beren gaznak oro urtean kurtsean saltzen dütüela. Dagün urteetako xedea da Azkorria kooperatibak 10bat tona haboro gaznatzea. Urte bakotx 400.000 litro ardi esne eta horietarik 60 tona gazna egiten düe. Jakinez neurri zorrotzak errespetatü behar dütüela, kalitatezko gazna egitera bai eta beren xedea.
Orai arte, ardi gaznen ehüneko 60a Bordale Tolosa ta Ipar EHan saltzen düela, %10a Hego EHn eta gaitikoa frantzian gaindi.
Azkorria kooperatibaren  Larrazkeneko feida neskenegün hontan, goizeko 10etarik arrestiko 6etara igaranen da, Muskildiko kooperatiban berean.
Jean claude Barreix kooperatibaren :

Axuria kooperatifaren biltzar nausia iragan da ostirale gaüan Zalgizen.
Parada hortan jakin da gorabehera bere salmentak eta bere produkzionea ber heinean begiatü dütüala Axuria kooperatifak, axuri aragi eta behiki saltzen dütüan kooperatifak.
Kooperatifaren helbürü nausia da bardin beren axuri prezioan ahal bezain beste ber heinean begiratzera urtean zehar, eta horren aldetik sasoa kauxitü düe.
Behikiak ere bere leküa ediren dü Axuria kooperatifan, besteak beste düala bi urte sortü düen Herriko markarekin.
Erkidegoak ere abiatü dütüe izan Sühari enpresarekin edo leküko kolektibitatekin.
Inbestizamentüak  jarraikitzen dütü kooperatifak bere geroaren honarentako. Ardien behezteko güne bat eraiki dü Zalgizen, eta burger egiteko aragi xehekatzeko tresna berri bat.
300 laborariekin Xiberoko laborarien erdia kooperatifaren kide da.
Prefosta herri elkargoarekin dütüen eztabada biziak aipatürik izan dira eta mozione bat hon hartüe hor ziren 160 kideak hautetsier beren beharren helarazteko.

Peio Quihillat: