Lurzaindiak, Arüe eta Añarben bi etxaldeen erosteko xede düala jakinarazten geneizüen iragan astean.
Hortarako  kanpainia bat abiatzen dü 400000€-en biltzeko.
Bi etxalte horien erostez hiru instalazio lagüntüko dira. Lehen instalazioa Arüen, Amila Abou-Antoun 26 urteko emazte gaztearena da.
Etxalteak 25 hektare dütü, arditegi eta behitegiarekin, 135000 eurotan erosiko da.
Alpesetako behi beltz esnadünekin lan eginen dü biologikoan, eznea etxaltean transformatzez.
Bigarren instalazioa Añarbeko Leizeaga etxaltean eginen da.
Johanne Foirien eta Lutxo Herrera, ardi esnadünekin ari dira lanean, biologikoan. Beren xedea presentatzen deiküe:

Osagarri honean da Mendikoa laborantsa kooperatiba!
Hori da jakin iragan neskenegünean Izpuran iragan den biltzar nausitik ohartetxekitzen ahal dena.
2015ean kabale bazken saltzeak amiñi bat goratü dira eta saltegietako emaitzak ere bide beretik joan dira.
Kooperatibako ardüradünek erran deiküen bezala, saltegietako emaitzak honak izan dira partikülarzi Sohütako saltegiaren emaitzak zinez honak izan beidira.
Saltegia arrantolatürik izan zen, baratzegintako tresneriak ere marka berri batekin. Leküko ekoizpen freskoak ere hasi dira saltzen.
Mendikoak, Baiona, Hazparne eta Uztarritzeko SICANAM delakoaren saltegiak erosi züen.
Inbestizamentü mailan beti, Izpuran instalatüko den kabale bazken nahastekatzeko tresna berri bat erosiko dü ere.
Jean Claude Inxauspe kooperatifaren lehendakaria:

Partaidetza hitzarmen bat izenpetü düe atzo Xiberoko herri elkargoak, departamendüko laborantxa ganbara eta Akitaniako Safer laborantsa egitürek.
Horrekin laborari gazteen instalazioaren lagüntzeko eramanaiten den animazio lana ofizializatü da. Lan hori inkesta bat da, non ere 55 urte beno haboro dütüen Xiberoko laborarier galdegiten zaüen beren etxaldeaz diagnostiko baten egitea. Nola ikusten düen geroa, jarraikirik badüenez, prest direnez kanpoko norbaitiri jarraikiaren emaitera, eta beste galdo franko.
Xiberoan 55 urte beno haboro dütüen laborariak 155 dira. 155 laborarietarik 80ek inkestan parte hartzea honhartü düe. Inkestaren emaitzak martxo ürrentzean ezagütaraziko dira.
Mixel Etchebest:

"Les transformations du paysage" deitzen den mintzaldi bat antolatzen dü Ikerzaleak elkarteak, ostiral huntan arrestiko 6etan, Mauleko mediatekan.
Mintzaldiaz gain diapositibak hots argazkiak ikusten ahal dirateke.
Gük ezagützen dügün Xiberoa nola hola bilakatü den intelegatzeko antolatürik da mintzaldia. Robert Elissondo Ikerzaleak elkartebürüak animatzaile gisa parte hartüko dü Philippe Etxegoyhenekin , hunek "Mémoires souletine" izeneko 2 libürü elki beidütü.
Bestalde mauleko mediateka hortan "Terre de Soule" izeneko erakuska bat bada hortaz barantailaren 13a arte.
Philippe Etchegoyhen:'play}artxiboak/philipetxe.mp3" type="audio/mpeg" />