Dominika Agergarai , Urdiñarbetarra , pausatü da 58 urteetan , eritarzün larri batek eraman dü 2 hilabete barne !
 Plaza gizona, harremanetan izigarri trebe, hitzik ez düe atzamaiten, Dominika ezagütü düenek!
Kültür sailan, Urdinarbeko bil xokoan, hatsarretik Müsikaren Egünaren antolazailetan zen, Azkorria gazna koperatibaren sorzailetan ,komerzio lana eramaiten züan bereziki hego aldearekin.
Pelota izigarri maite züan eta lagüntza handi bat ekarri dü Xiberoko Botza eta Euskal Irratier ,pelota partiden komentatzearekin.
Dominika Agergarai zenaren ehorzketak , Ostegun arratsaldeko 4 orenetan , Urdiñarbeko elizan .
Bisitak etxean , Urdiñarbe Keheillaltean .
Xiberoko botza eta Euskal Irratien izenean , gure dolumin bizienak familiari .Lekükotarzün zonbait:
Jean Claude Barreix:

300 bat jente bildü da Mauleko karriketan, Egoitz Urrutikoetxea-en familiari süstengüa ekarteko eta euskal presoen hüillantzea galtegiteko.
Egoitz Urrutikoetxea Frennes-eko presontegian ezarririk izan da, 3 kundenen gatik, orotarat 14 urteko presontegi zigorra emanik izan zaion bera auzitegian izan gabe.
Kondena berriz ikusirik izaitea galtegin dü eta 3 auziak iraganen dira urte ondarra gabe.
Arte hortan, süstengü komite bat plantan ezarten ari da familiari lagüntza ekarteko !
Oihana Larranadabürü:

Ekonomiak egiteko, frantses estatüak 50 milioi euro güttigo eman nahi dütü ONF frantziako oihanak babesten dütüan egitürari. Haatik galdegiten dü oraidanik oihanak dütüen herriek paga dezen haboro.
2012az geroz, herrier oihan hektar bakotx 2 euro galdeginik zen, orain Estatuak 14 euro pakatzea galdegiten dü. Audela, Frantziako estatüak egür salmentaren ehüneko 16eko legarra eman nahi dü.
Oihanak dütüen herriek legar berri horiek errefüsatzen dütüe. Untsalaz 2015garren urtea ürrentu beno lehen, akordio bat ediren behar düe ONF eta Estatüarekin.
Sos galtze sobera ez ükeiteko herri hanitxek ONFetik elki nahi düe.

Milou Castan departamendüko eta pirineoko oihanak dütüen herrien ordezkariarekin elestatü da Ximun:

Parisen, Fresneko presontegian kartzelatürik den Egoitz Urrutikoetxearen familia xiberotarra denez, Xiberoko lagün talde batek, manifestazio süstengü batetara deitzen dü neskenegün hontan, (ürrietaren 17an). Hitzordüa arratsaldeko 3tan emanik da, Mauleko herriko etxe aitzinean. Elkartze honen bidez, oritarazi nahi da ere, orano 400 preso goiti badirela Espainia eta Frantziaren gainti barreatürik eta errealiate honek ondorioa ekonomikoak ekarten dütüala familieri. Preso güzi horien etxeratzea aldarikatürik izanen da ere larrunbateko elkarataratzea . Manifestazioaren hitzordüa, neskenegün hontan, arratseko 3tan, Mauleko herriko Etxe aitzinean. Ondotik Zinka ostatüa zabalik dateke tzüntzür bustitze eta Floyd Mania tadearen kontzertüarekin:
Artzen Letona: