BDS Xiberoak alkarretaratze bat antolatzen dü irailaren 20an Mauleko zerbütxü günearen aitzinean. 19:30etan kouskous jatea eta dutea mentarekin badate eta ondotik 20:30etan Stéphane Valentin errealisadorearen Ramallah's Maradona dokümentala ikus daiteke. Estabadaka badate ere dokümentalaren egilearekin. BDS Xiberoak dio, estatü horren ezin honartüzko eginmolde abrekeria horien agertzeko, israeldar apartheid politikaren eskümakilak diren beren bürüzagi eta lagüntzaleen eginmoldeen salatzeko, mündüko popülü güziak güdükan sartü behar direla eta ahal güzieki oldartü behar dela. Israeleko ekoizpenek mingats gustüe badüela eta kolonietako ekoizpenak boikotatü behar direla.
Johan Foirien BDS Xiberoako kidea :

Iragan astean bildü ziren Herri Alkargoako haütetsiak gei andana baten aipatzeko. Horien artean, Departamentüko Etxe baten sortzea, ondarkinen berexketan haütü berria, Atharratzeko aisialdi güne berri baten sortzea (zoinetan ikastola plantatüko den) edo herriko bestetako afitxak eüskaraz ezarteko egin indarraren ondoramenak, besteak beste. Artzen Letona han izan zen eta gei desberdinetaz mintzatü zen haütetsi desberdinekin. Hemen dütützüe irratian entzüngei izan diren alkarrizketak oro.
Entzün Nathalie Arthapignet, Departamentüko etxeaz:

Astearteko arrestiri apalean, irailaren 16an, egin zen sartzea Mauleko Herriko Etxean. Kontseilüan aipatü ziren gai inportanteenen artean ziren üda hontan Maule hunki dütüan üholdeak, orai itsesen ondorioz lanak egin behar beitira, 500.000 mila euroko aitzinkontüa bozkatü düe haütetsiek. Mauleko ur "régiaren" ibilmoldeaz hainbat delibero hartü ziren, bena inportantzia ttipikoak. Haatik Mixel Etxebest aüzapezak aipatü züan Mauleko "Régie" delakoa xiberoko ur sindikatan sartzeko presione handiak badirela bena dionaz Mauletarren interesak lehenetsiko dütüe oroz gainetik. 
Mixel Etxebest :

Irakurri gehiago ...

Iragan neskenegün goizean, Mauleko merkatüa baliatzez, BDS (Boycott-Désinvestissement-Sanctions) Xiberoa taldeak alkarretaratze bat antolatü züan Palestinarekin alkartarzüna agertzeko. Herritar eta haütetsiak kümit ziren, eta 50 pertsonen artean Alderdi Komünistako partaideak ere baziren. Israeleko gobernüak azken egünetan Gazan egin bonbardaketetan mila jentez goiti eho dütü. Horren kontre, eta hanko berriak emaiteko manera hedatüenaren kontre (argiki erranik, desinformazioa) oldartzen dira alkarretaratzean bildü zirenak.
Entzün han egin dügün erreportajea: