2010ean abiatürik apaidü karreatzea egiten da xiberoko etxeetara. Erretretadun, herbaltü ala osagarri arrenküra düeneri idekirik da zerbütxü hori. Suharri entrepresak egiten eta ekarten dütü apaidüak, sartze, plat nausi eta deserta haütatzen ahal dira 2 menuen artean. Bestalde diabeta, gatz güti ala jenteen beharrüneen arabera kanbiatzen dütüe apaidüak. Apaidüak egun oroz ekarririk dira salbu igante eta besta egunetan. Interesatüek deitzen ahal düe CIAS zerbütxüala Atarratzerat 05.59.28.67.63 zenbakialat edo Maulerat: 05.59.28.78.83. Bestela herriko etxeek ere xehetarzünak oro emanen deitzüe. Leonie Aguergaray :

Osagarri mentalaren astea da eta euskal herrian 6 hitzordü emanik dira Donibane Lohitzünetik Maulerat arte ! 29 gerren antolaldi honen aipagei nausia izanen da nola haurrak eraiki arrenküra psikikoak diren familia batetan. Mintzaldiak eta zine eztabadak eskentzen dira Angelu, Baiona, Hazparne, Maule, Donibane Lohitzune eta Donapaleun. Egünaldi horien helbürüa da gei minbera horren aipatzea, erran ezinen altxatzea, lagüntza ekartea eta haurren babestea. Mauleko zine gelan, arrats hontan ostegünarekin da zine eztabada; "Demain et tous les autres jours" filmarekin 20.15 etan. Xehetarzünak Leonie Aguergarayrekin :

16 eta 25 urte arteko gazte ‘baztertüak’ zinez lagüntzeko helbürüa düe horrekin. Urte oso batez segitürik dirate, izan atelier eskeintzez ; edo lan, formakuntza, orientazio, apartamentu ala permisa edireiteko. Hots gazteak aitzinatzeko behar dütüen gaitarzunak ükeiteko. Lagüntza horietaz gain sos lagungoa bat badate, hilabete oroz 480 euro emanik beitira. Arantxa Oxandabarats mission localeko langilea :

Iragan urtean arrahasirik, ski edo lerragünealat joaiteko parada emaiten dü prezio merke batetan. Bestalde üdan orai düala 60 urte hasirik, igeskagialat eta igeskan ikasteko parada emaiten dü. Aurten orano, 120 haurrek parte hartü düe pizina aktibitate horietan eta 44 aldiz ski lerragüne aktibitatetan, hots urte hoberenetarik bat azken urteer so egiten bada. Felix Laxague alkarteko idazkaria :