Kidegünak, Xiberoko alkarteen lehen jeia, alkarteen mündüaren bizitarzüna erakusteko parada izan da. Ostegün eta ostiralean, milako bat ikasle hüilantü da, kültür, kirol eta alkartarzün sailako elkarteen ezagützaren egiteko. Neskenegünean, aktibitate franko izan dira, bai jaï-alaïean baita ere kanpoan eta Ühaitz bazterrean. Lagün Pass kartaren presentatzea egin da. Karta honi esker, alkarteetako kideek, zinema gelan, pizinan edo kirol partida ezbardinetara joaiteko prezio aphaltzea ükaiten ahalko düe. Alkarte mündüak orai bezala segi dezan eta gero eder bat üken dezan indarrak oro eginik dira.
Sébastien Challa Mauleko haütetsia :

Osagarri sailan, Xiberoa eta Baxe-Nabarre esküz eskü ibiliko dira laster. Zentzü hortan, Xiberoa Herri Alkargoako biltzarrak, Osagarrientzat Leküko Hitzarmenaren izenpetzeko baimena eman dio berriki bere lehendakariari. Hitzarmenak 15 bat lan ardatz finkatüko dütü. Adibidez, barnekaldeko hospitalen arteko koordinazioa lagüntüko dü. Gogoetak alkartürik eramanen dira, bedezi eskasari edo familien lagüntzaileen problematikari besteak beste, arrapostü egokien emaiteko. Prebentzio kanpañak ere alkarrekin eramanen dira. Lan ardatz bakotxeko ardüradünak izentatüz geroz izenpetüko da, Xiberoa eta Baxe-Nabarreren arteko Osagarrientzat Leküko hitzarmena.
Arnaud Villeneuve alkargoako haütetsia :

Bostajoa, Canteria de la Haut, eta Philia kürrak, baita ere Philippe Urrutibehety kantari lirikoa pianoz lagüntürik, kantan ariko dira ostiralean, setemerearen 27an gaüko 21etan Ospitalepeko elizan, Guatemalako haurren alte. Le Quetzal alkarteak, Guatemalako haurren eskolatzeko, edo nekezi haundian diren familien lagüntzeko, ekintzak antolatzen dütü aspalditik. Hemen bildürik lagüngoari esker, arropen josteko lankiak edo baratzeak besteak beste sortürik izan dira jadanik. Ostiraleko kantaldiaren irabaziarekin, informatika gela hornitüko da, oso baztertürik den herri bateko haurren eskolatzearen bermatzeko edo erresteko.
Françoise Tourreuil Le Quetzal alkarteko kidea :

Kidegünak, kirol, kültüra eta alkartarzün alkarteen jeiaren lehen edizioa, setemerearen 26, 27 eta 28an igaranen da Maulen. Alkarteen lan baliosari esker, Xiberoan jentarte bizitarzüna ageri-agerian baratzen da. Ezi, Xiberoan, sail hanitxetako alkarte prunki bada. Jente elibat beren ogüz ari beitira herritarren arteko lotüren plantatzen, kültüraren biziarazten, kirol batetan aritzea edota aizinarte eskentzak antolatzen, üngüramenaren zaintzen edo nekezian direner lagüngoa ekarten. Alkarteetako kide eta joanarazle direnen lana goresteko eta beste jenterik horiengana jinarazteko xedean, Xiberoa-Herri Alkargoak, Mauleko Herriko Etxeak eta gazteen alkarte elibat bai eskoletakoak algarretarazten dütüan Gazte Bilgünea botin plantatzen düe “Kidegünak : alkarteen jeialdia” Maulen.
Sébastien Challa Mauleko haütetsia :