Aipezina ala "Tabou" ümen da herioa, edo heriotza, edo hiltzea. Nolanahi deitürik ere, biziaren parte dela ezin üka. Hebentik kolektiboak antolatü gaüaldian, iragan neskenegünean, manera ezberdinez aipatürik izan da ; olerkiz, kantorez, eta elez. Batetik Jean Mixel Bedaxagar kantaria (argazkian esküin), bestetik Christophe Ascos "Kakoi" erizaina (erditan) eta Allande Etxart antzerki irakurlea gaü hartan. Horier bürüz, ikusleen artean bazen ere Madouce Araguas, olerki zonbaiten irakurten.
Herioaz lau ikusteko manerak proposatzen deitziegü heben, gehitzez halere ikusleak parte harzale izan zirela, beren esperientzia edo oharren bidez, gaüaldi ondarrean.
Entzün Jean Mixel Bedaxagar :

Herioa da kümita nagusia Hebentiken egoitzan neskenegün hontan. Madouce Araguasek haütatü olerkietan, Jean-Mixel Bedaxagarren kantoreetan, Christophe Ascos erizainaren esperientzian, Allande Etxartek haütatü antzerki batetan... orotan herioa dateke aipagei. Biziaren parte da, bena güti aipatzen da. Hargatik hunkiezina ala "tabou" dea gei hau ? Ez Hebentik kolektiboko kideentako.
Allande Etxart entzün :

Salua ofizialki ostirale hontan hasi da. Eskoletako ikasleer proposatürik ziren mintzaldiez gain, dener zabalik zen mintzaldian ekolabel turistikoak ziren aipagei (ezkerreko argazkia). Neskenegün eta igante goizanko 10etarik aitzina arra zabalik dirateke Mauleko Jai-Alaieko bortak. Egitaraua, web güne hontan atzamanen düzüe, peko artikülüan.


Entzün Dominique Bosq :

Ostiraletik iganteala izanen da laugerren Energia berriztagarrien eta eko-eraikuntzaren erakustaldia. Jean-Peille Iriartek egitaraua zehaztü deigü :
Ostirale arrestiritan Agenda 21 :

Ostiralean :

14:30 Hitzaldi : « Agenda 21 : zer da ? zer balüke eneki ikusteko ? »
Phylippe Méau – Viv’Energie / Ekhigeo
17:00 Hitzaldi-eztabadakatze : «Üngüramen zaintzale eraikintza turistikoak : nola planta»
Eüskal Herriko mendialdeko 4 ikusbide :
- Irabarneko Jauregiko aizinarte egongia (Mauleko Herriko Etxea)
- Europako Ekolabel eta ostalergoa – 2 ostaler xiberotarren jakilegoak
- Narbaitz kanpagiako -ekobakantza egongiak (Azkarate)
- Legordia Bordako zühaintzetako etxolak (Itsasu)
18:00 : Feiraren abiatze ofiziala

Neskenegün eta iganteko egitarauentako, klika heben pean "haboro irakurri".

Irakurri gehiago ...