Eüskal Herriko Laborantxa Kanberak agro-oihangintzaz ikastaldi bat antolatzen dü ürrietaren 30 eta 31an. « Lantatze egingeia ontsa gogozkat » date honen geia. Oihanak bertüte hanitx dütü, izan dadin itzalaren egiteko, frütüen emaiteko, lürraren etxekitzeko (zühain herroer esker), egür edo zur egiteko eta beste… Ikastaldi hortan parte hartzeko, haatik, izenak ürrietaren 6a gabe eman behar dira, eta ahalaz ikastaldia aitzin informazione bildü oihangintzaz. Hortarako, EHLGala deitü behar da (05 59 37 18 82) ; honek bideoak eta idazkiak igorriko dütü. Gisa horrez, parte harzaleak beren galtoekila jinen dira ikastaldiala. Joana Hoqui EHLGko langilea:

Azken ardiak bortütik eraitsi dira neskenegünean igaran den egünararekila. 'Ardi Bürü beltz' alkarteak dü hau antolatü lehentze. Eta jente andana hüllantarazi dü. Kasik 3.000 ardi Ligirik igaran dira 7 artalde desbardinetan. Departamentüan, 300 bat artzain badira ardi manex bürü beltzekin ari direnak, orotara abantxü 80 000 ardi direlarik. 'Ardi burü beltz’ alkarteak egingei bat bürütü nahi dü dagün urtean, Association des Bergers des 3 Vallées alkartearekin batetan: artzainentako lan eskentza ororen biribilkatzea. Hortzaz gain, artzainentako negüko lan proposamen zonbait ere barnatü nahi dütüe, urte osoan lanaren proposatzeko. Lanaren behikotarzünagatik, artzainak ez beitira denbora lüzaz jornalarekin egoiten. Alkartearen biltzar nausia ostirale goiz hontan bada (9 orenetan Galio ostatüan), Ligiko egünaldiaz baliatü gira 'Ardi buru beltz' alkarteko bürüa den Ximun Lucuri mikroaren lüzatzeko:

Oihan jabe diren Departamentüko herrien alkartearen biltzar nausia egin da Atarratzen. Alkartearen helbürüa da, gure oihanetan diren zühainen baliatzearen arrabuiltaraztea. Zühainak baliatzen ahal dira edo berotzeko,edo ere müblentako. Sail hori lüzaz ützirik izan da Espainiari, bena azken 3 urteetan haütetsiekin lan bat eramanik da. Mementoan aitzinarazirik diren egingeietan, Donibane Garazin berogailü partekatü bat bada igeriskagia eta Luro kinikaren artean, entrepresa bat sortü da bagoarekin mübleak egiteko eta lan bat eramaiten da herrietako aüzapezen ohartarazteko Milou Castan :

Ahalen besta igaran da aste ondar hontan Maulen, Europako transizione astea beitzen igaran astean. Neskenegüneko kontzertüek eta iganteko merkatü eta bisitek arrakasta üken badüe, ostirale arratsean karreiüetzaz gogoeta bat eraman düe Zerbütxügünean, 50 bat lagünek. Hatsarre batetan, dokümental elibat erakutsi dira eta jenteek haboroenik maitatü düena Kintoa Mugi edo Aldude ibarreko egitasmüaz ari zena zen. Hanko Herri Alkargoa ohiarekin gogoeta bat eramaiten beitüe karreiatzeen hobetzeko. Eta hola, botüren partekatzeko plateforma bat egin düe, harahonakatze bat antolatü, pirripita edo bizikleta elektriko bat erosi eta ber eseiarazi… Xiberoan ze egiten ahal zen garraioren hobetzeko eta gütiago kutsatzeko gogozkatü da. Eta ber asmüko jarte handiena ekarri düan ideia izan da auto stop delakoa behar zela garatü. Xehetarzünak Allande Errezaret antolazalearekin :