BDS Xiberoa-k (Boycott Désinvestissements Sanctions) Israeleko gobernamentüak jarraikitzen düan kolonisazioaren salatzeko ekintza berri bat bürütü züan igante gaüan. Banderola bat hedatü zen Veolia enpresaren Mauleko egoitzaren aitzinean eta zerrailüa gakotürik, kamionen abiatzearen trabatzeko. Baderolan irakurtzen ahal zen, “Veolia entrave la liberté des palestiniens, Boikot Israël !”. Erran behar da Veolia enpresa Alstom enpresarekin batean, Jerusalem eta Palestinako lürretan diren kolonien arteko Tramway bide bat eraikitzen ari dela. Horrez gain ondarkinen tratamentüan ere engaiatürik da Veolia enpresa. BDS taldearen Boikota kanpaña aitzina doa eta bere frütüak emaiten hasia da, Israël-en ari ziren enpresa zonbait beren aktibitateak ützi beidütüe jadanik, beren irudiarentako kaltegarria bilakatzen beitzen han jarraikitzea.
Johanne Foirien BDS Xiberoa taldeko kidea :

Xarrikotapeko herrian, herriko bozkak ziren irailaren 26an igantearekin, lau kontseilieren haütatzeko. Lau haütagei ziren eta lauak lehen ützülian iragan ziren. Herritarren erdia izan zen bozkatzera eta holaz lehen ützülia aski izan zen. 207 ziren bozkatzera deitürik, 105-ek bozka eman züen : André Chabalgoity  79, Pierre Hasperue 78, Lydia Lagaronne 87, eta Sandra Urrutia 74 bozekin haütatürik izan ziren. Bozka horien ondotik, berriz agertzen da herria zatitürik dela , Bil ta Garbi sindikatak egin ondarkintegiarekin, hortakoz jadanik hiru kontseilier-ek beren kargüa ützi züen üdan. Halarik ere, bozka iragan zen giro honean eta orai hola jarraiki nahi dü kontseilü berriak.
Christian Joncohalsa aüzapeza :

Xiberoa Herri alkargoan, eskerreko sensibilitatea düan haütetsi talde bat sortü berri da. Arrazoina, egünko Herri alkargoaren ebilteko maneran demokrazia eta konzertazio eskasa. Talde hori  ez dü nahi izan oposizio hütsa, parte hartü nahi dü eztabadetan eta bereziki nahi lüke indartü herrien parte hartzea. Taldean oranokoan hogeitabat haütetsi dira, hamar aüzapez eta Atarratzeko kantonamentüko kontseilaria. Herri alkargoako bülegoa abisatü düe taldea sortü dela eta prest dela alkarlan baten eramaiteko, bena hortarako xedeetaz jakinean izateaz galdeginten dü.
Arnaud Villeneuve Atarratzeko aüzapeza :

Xiberoko hiru egitüra edo alkarte lagüntü dütü Udalbitzak aurten. Müskildiko Azkorria kooperatibari, hamar mila euroko mailegü bat egin dio, Alozeko ikastolari sei mila euro lagüngoa eta Atarratzeko Azia alkarteari beste sei mila euro. Ipar eta hegoaldeko, herriko etxe eta haütetsiak biltzen dira Udalbiltzan. Düala 15 urte sortü zen helbürü batekin, Euskal Herriko herriak laguntzea beren xedeetan. Frantses gobernüa edo Kontseilü Orokorraren lagüntzak ez direlakoz aski, Udalbiltzak ere, nahi dü egin bere ekarpena. 1471 haütetsi eta  353 herriek parte hartzen düe Udalbiltzan, horietan, Xiberotik, 9 herri, 7 aüzapez eta 22 kontseilari. Udalbiltzan partaide izateko honenbeste sos eman behar düe herriek eta gero sos hori partekatürik da xedeen arabera. 2015-eko xedeak ari dira aipatzen , horietan, Atarratzeko Agusti Xaho kültür etxea edo ere Mauleko Agerria etxean egin nahi den batzari günea.
Ruben Gomez Liginagako aüzapeza :