Kirola

: Kirola; 2011 Abendua 16; Agerraldiak: 2852

Zibero sports alkarteko besta

Denen behar da Basabürüan bizitzeko eta Basabürüaren biziarazteko. Abentüaren 17ean arratsarekin, Zibero Sports alkarteko familia handiak, aihari bat eta soinü bat Trikia taldearekin antolatzen dütü Ligiko salan. Kirol alkarteek jenteen arteko harremanen garatzeko inportentzia handia düe eta Basabürüan Zibero Sports alkarteak dü kargü hori betetzen. Alkarteak 200 jokülari biltzen eta ariarazten dütü urte orotan. Lagüntzaleak beren aldetik kirol mailan ez badira inplikatzen, sponsor xerkatzen, matahame edo bixkotx egiten eta saltzen ari dira beti, alkarteko kontüak plomatü nahian. Neskenegüneko gaüaldia kausitürik izan dadin, kümita lüzatürik zaizüe, Zibero Sport alkartea eta Basabürüa bizi ditian.

Entzün Mathieu Tauzin Zibero sports alkarteko kidea :

: Kirola; 2011 Azaroa 24; Agerraldiak: 3024

Essor basque 2012ko ützülüa Maulen ürrentüko

2012ko barantailaren 11tik-19ala iraganen den Essor Basque bizikleta lasterkaren ibilbidea presentatürik izan da Maulen. Lapurdi, Baxenafarroa eta Xiberoa zeiharkatüko dü berriz. Sei egünaldiz Bidaxüne, Kanbo, Üztaritze, Azkaine, Hendaia, Donibane-Garazi, Donapaleü Larzabale eta Maulen gainti ibiliko da. Beste urtez bezala, ez da Maulerik abiatüko bena aldi hontan heben ürrentüko. Frantziako talde azkarrenak beren sasuaren prestatzera jinen dira eta horietan Frantziako taldearen parte hartzea baieztatürik izan da. Natur Gaz taldeak dü Euskal Herria ordezkatüko.

Entzün Christian Bibal Essor Basque lasterkaren antolazale bat :

: Kirola; 2011 Azaroa 04; Agerraldiak: 2992

Nazio arteko zesta-puntako 8. txapelgoa Mexikon

Zesta Puntako 22 urtez petikakoen Mündüko 8. Txapelgoa, Mexikon iraganen da azaroaren 6tik-12ala. Xiberotik parte hartüko düe Kévin Iturria eta Nikolas Eyheregaray-ek. Hossegoreko Lesbats eta Millarekin Frantzia ordezkatüko düe.

Entzün Pascal Bedere Mauleko zesta puntako trebazalea :

: Kirola; 2011 Azaroa 21; Agerraldiak: 2953

SAM ziklisma laster honean

Pattar handietan ere, laster honean dabil Xiberoko ziklisma. Azken urteetan Mauleko ziklisma batarzünako ardüradünek egin dütüen indarrak, frutüak emaiten ari direla erakustsirik izan da, alkartearen biltzar nausian. Alde batetik, ardüradün berriak sartzen dira batarzünean eta bestetik, herri aüzoetarik lasterkari gazteak artekoen mailako taldearen azkartzeko hüilantzen dira. Ondorioz, ziklisma eskola orano hobeki joanarazten ahal da eta artekoen taldean 9 gazte izatez, Hego Eüskal-Herriko lasterketetan parte hartzen ahalko dü Xiberoko taldeak. 2012an Ezpeize-Ündüreiñe, Garindaiñe, Ahüzki, Maule, Nabarrekoxe ala Iratiko Tourra üsatü bezalako lasterkak antolatüko dütüela baieztatürik izan da eta Essor Basque delakoaren lasterka lehentze Maulen ürrentüko dela jakinarazirik izan da biltzarrean.

Entzün Jean-Claude Aguer Mauleko Ziklisma Batarzünako ardüradüna :

: Kirola; 2011 Urria 10; Agerraldiak: 3131

Elgaine trinketeko lehiaka

Intxauspe Ducasou 40 - Latxere Lazkano 16, aidez nausitü dira Lapurdiko bi gazteek Lohitzüneko Elgaiñe trinketeko lehen lehiakaren finalean herriko bestaren kari. Jaun eta jabe, gaztetarzünaren indarrarekin lehen mailan aritzeko ahalak erakutsi dütüe bi gazteek, Latxere eta Lazkanok ezin züelarikan erauntsiari errantzüten. Azia pilota batarzünak oso baikor agertü da lehen lehiaka honen bilana egitean, püblikoa parrastaka agertü da berritan trinketea betatzez eta pilota partidak maila honekoak izan beitira. Dagün urtean ere, bigerren lehiaka bat antolatüko düela baieztatürik izan zaikü.