Kirola

: Kirola; 2012 Iraila 17; Agerraldiak: 3137

Xiberoko eskü hüxkako txapelgoako txapeldünak

Gora pilota ! 2012ko Xiberoko eskü hüxkako pilota txapelgoa, hasi bezain ontsa ürrentü da setemerearen 16an Ürdiñarben jokatü diren finalekin. Lehenik, ostirale arrestiritan 3. mailako finala irabazi düe Exilard eta Cazenave, lehiakako pelotakari gazteenek, Rospide eta Bonnefont-en kontre 30/23. Igante goizan 2. mailako finala eraman düe Berasategi eta Etxartek, Arricau eta Idiarten etzean 30/13. Azkenik, Landagarayek eta Itoizek jauntzi düe Xiberoko txapelgoako 5. lehiakaren txapela. 30/25 nausitu dira Latxere eta Ithurralden kontre, 350 soegileen aitzinean. Antolatzaleak bilan oso baikor egiten düe aurtenko zoingehiagokaz. Partida eijerrak, herrietan batzarri ezinago hona, soegile franko eta audela aroa alte, osagei güziak bildürik izan dira txapelgoaren kausitzeko.

Entzün Jean-Jacques Etxeberri Llargo txapelgoako finalaz mintzo :

Entzün Mixel Latchère pilotaria 1.mailan ari zena :

Entzün Thierry Itoiz lehen mailako txapeldüna :

: Kirola; 2012 Iraila 14; Agerraldiak: 3032

SAM rügbian sasua arrahasten

Rügby sasua eta txapelgoa berriaren lehen partida jokatüko düe Mauletarrek setemerearen 16an Marius Rodrigo zelaian Maulen. Federale 2an ariko dira eta beren multxoan, Riscle, Arcachon, Hendaia, Bokale, Aramitze, Aire sur Adour, Lombez, Salles eta Peyrehorade taldea izanen düe. Azken horien kontre ariko dira igantean. Bestalde, sasu berri bat, maila berri bat, trebazale berria izanen dira. Jean-Mixel Arrayet, iragan urteko bigarren taldeko trebazaleak düke ardüra Ximun Castillonekin. Prestakuntza agorrila hatsarreaz geroztik hasi düe eta Challenge de l’Essor delakoaren 4 partidak irabazi dütüe, Bizanos eta Orthezen kontre.

Entzün Jean-Mixel Arrayet trebazalea sasua berriaren emaiten :

: Kirola; 2012 Iraila 10; Agerraldiak: 3089

Dronde irabazleak mendi tinietako oto lasterkaldian

Liginagako Dronde aita semeak nausitü dira Xiberoko Mendi Tinietako 56. oto lasterkaldian. Bigerren leküan Pierrine eta hirugerrenean igaran urteko irabazlea Didier Iribarren sailkatü dira. Aste ondar güzian irabazleak lehen leküetan egon dira, nahiz eta Iratin Urrutia anaiek otoa hautsi aitzin aitzinean iragan zeien eta Pierrinekin ere azkarki lehiatü dira. Dronde aita semek, aspalditik egürikatzen züen garaipena azkenean lortü düe. Denbora eijer lagün, oro ezinago ontsa iragan da, jente franko hüilantü da, izan dadin Iratin ala Maidalenan. Parte harzaleek beren aldetik, Ecurie des Cimes alkarteko kideak eskertü dütüe, pistak ontsa prestatü eta hobetü beitütüe. Bestalde, irabazleek jakinarazi deiküe ez düela dagün urtean beren txapela berriz defenditüko, mementoko garaipenaren plazerrarekin nahiago beitüe egon.

Entzün Pierre-Paul Dronde aita 2012ko mendi tinietako lasterkaldiko erabazlea :

Entzün Louis Dronde semea 56. mendi tinietako lasterkako txapeldüna :

Entzün Didier Iribarren hirugerren erabazlea eta igaran urteko txapeldüna :

: Kirola; 2012 Iraila 10; Agerraldiak: 3069

Latchère-Ithurralde sailkatürik Urdinarbeko finalentako

Mixel Latxere eta Eric Ithurralde sailkatü dira Xiberoko Eskü-hüxkako Txapelgoako finalentako. Muskildiko besten kari jokatü da eskü hüxkako bigerren erdi-finala. Bi jokülariek irabazi düe Peio Jauregi eta Ximun Lukuren etzean 30/27. Bigarren sailan, Urdiñarbeko sailkatü dira Didier Berasategi eta Erik Etxart, Jean Bernard Ayçaguer eta Pierre Arçanüthürrien kontre 30/15 irabaztez. Eta hirugarren sailan, Yannick Exilard eta Patxi Cazenave, lehiakaren gazteenak, finalan izateko nausitü dira 30/23 Irigoin eta Mongaston-en kontre. Exilard eta Cazenave setemeraren 14ean ostiralearekin 19etan jokatüko dira 3. seriako finalan, Rospide eta Bonnefont-en kontre. Aldiz, bigerren sailako finalan, igante goizan, Didier Berasategi eta Erik Etxart, Mikael Arricau eta Pierrot Idiarten kontre ariko dira, ondotik lehen sailan Mixel Latxere eta Eric Ithurralde, Olivier Landagaray eta Thierry Itoiz-en etzean ariko dira.

Entzün Mixel Latchère 1.sailan saikatürik Xiberoko Eskü-hüxkako Txapelgoako finalentako :

Entzün Peio Jauregi 1. sailan saikatürik Urdinarben igaranen den Eskü-hüxkako finalentako :

: Kirola; 2012 Abuztua 31; Agerraldiak: 3046

Mendi tinietako lasterkaldia aitzin azken segürtamenak

56 gerren mendi tinetako lasterkaldiarekin dügü hitzordüa dagün setemerearen 8 eta 9an. Ostiralean Oloruen hasiko da, ondotik Iratitik iragan ondoan Maidalenan ürrentüko da oto laskerkaldia. Antolazalek gaüza haboroenak pikoan baldin badütüe Olorueko suprefetak püntü bat egin nahi izan dü bi ardatzen azpimarratzeko segürtantxa eta üngüramena.