Bakartarzüna ez da arrotza Mauleko Jerome Lamirand Mauletarentako. Bada hamabost urte epaile edo arbitra dela rügbian eta azken 5 urteetan goi mailan ari da aste ondarretan. Kirolariak bezala prestakuntza fisiko seriusa jarraikitzen dü eta erran deikünaren araberan, epaile lanak nortarzün azkarra galtatzen dü, üsü beste güzien irritziaren kontre, bakarrik arrazuaren ükeitea gertatzen beitzaio. Jerome Lamirand-entako arbitrajea ez da ofizio bat, pasione bat baizik, bere kasüan rügbiaren sükarra.

Entzün Jérome Lamirand SAM Rügbi taldeko epailea :

Bi üngürümen berezien ezagützeko parada eskentürik zaikü ürrietaren 6 eta 7an Atharratzen, speleologia eta canyoning egünaldien kari. Lürpean ala arroilen artean ibilten ahalko zide hezitzaileen lagüntzarekin. Ostiraletik igandeala, erakuska, mintzaldiaia, bideo emanaldiak izanen dira Atharratzeko plazan eta hortik abiatüko dira speleo ala canyoning elkaldiak. Aktibitate güziak dohanik dira. Salbü, kanbiatzeko jauntziak, ibilteko oskiak edo botak ekarri beharko dütüzüe. Haatik, elkaldietan parte hartzeko, izenak eman behar dira. Xehetarzünentako, jnsc.ffspeleo.fr güneala joaiten ahal da eta izenen emaiteko deit 06.76.70.10.48 zenbakiala. Ikus egitaraua "Gehiago irakurri" alde pean.

Entzün Sébastien Verlack Speleologia federazioneko kidea : 

Irakurri gehiago ...

Alexis Inxauspe eta Thierry Harismendyk irabazi düe Lohitzüneko Azia 2. Trofeoa, Hervé Etcheverry eta Piarres Ducassouren etzean 40/22. Emaitzak ez dü erakusten partida denboran izan den lehia, Etcheverry eta Ducassouk ez beitüe püntürik ützi güdükatü gabe. Ürrietaren 7an Lohitzüneko trinketea beterik zen, beraz arrakasta eijerra kausitü dü aurten ere Azia Trofeoak eta antolatzaleek segürtatü deiküe dagün urtean 3. bat izanen dela.

Entzün Alexis Intchauspe Azia 2. trofeoko erabalea : 

Ürrietaren 5ean ostiralarekin jokatüko dira Lohitzüneko AZIA pelota batarzünaren 2. Trofeoako bi final erdiak. Arrestiriko 19etan Laurent Lambert eta Pierre Ducassou, Hervé Etxeverri eta Antton Amuleten etzean ariko dira. Ondotik, Philippe Bielle eta Olivier Jeannots, Alexis Intsauspe eta Battite Ducassouren kontre ariko dira. Finala ürrietaren 7an igantearekin jokatüko da arrestiriko 18etan. Aitzin partidak badirate, 16etan Cazenave Exilard, Queheille Dameron-en kontre. 17etan Hervé Elichiry eta Sylvain Eyheramouno, Peio Guichandut eta Bastien Christy-en etzean.

Entzün Edouard Exilard AZIA pelota batarzüneko kidea :