XÜXENEAN ENTZÜN

Kirola

Mauleko hur jokü güne xedea berriz builtarazteko nahiküntea erakutsi dü SAM Kanoe-Kaiak alkarteak, martxoaren 19ean egin düan biltzar nausian. Xedea estatüko zerbütxüen esküetan da aspalditik bena lo bezala. Egün horietan, alkarteko kideak herriko etxean bildüko dira kontseilüko ordezkariekin xedeari builta berri baten emaiteko. Irabarneko gaztelütik San frantses kolegioko zübüala, ibilbide baten antolatzea da helbürüa. Ondorioz, alkarteak bere inganioak heda ahal lezazke. Hur joküen üngürüko lehiak ere antola lezazke, pübliko eta parte harzale hanitx jinaraztez. Xede hona izan leite alkartearentako bai eta Maule hiriko itxürarentako ere.

Entzün Yves Jeanneau alkarteko lehendakari ohia :

Setemerearen 2, 3 eta 4ean iraganen dela 2011ko Xiberoko mendi tinietako oto lasterkaldia, jakinarazirik izan da neskenegünean Ecurie des cimes alkartearen biltzar nausian. Abiatzea Maulerik eginen da aldi hontan, dakizüen bezala aldizka egiten beita Oloruekin. Kanbio güti 55 gerren edizione hontan. Kanbiamen nausia dateke Bildozeko prologoaren bikoiztea. 4 kilometroetarik 9 kilometroetara lüzatürik izanen da. Igantearekin, Eskiula eta Aranbeltzeko lasterkaldiak berriz eginen dira aurten. Azkenean, Natura 2000 programak hala manatzen beitü, lan bat eramaiten ari da alkartea, erranik izan da. Lasterka iragaiten den güneetan, lantare, kabale eta beste barbaloten inbentario bat egiten ari da, lasterkaren egiteko baimenaren ükeiteko gisan.

Entzün Jean-Bernard Pinque Mendi tinietako ardüradüna :

Xiberoa Herri Alkargoan kirolaren eskümena hartzeko ahalmenaz eztabadaren eramaitea galdeginik izan da ostirale gaüan, Maulen igaran den SAM pilota batarzünaren biltzar nausian. Pilota batarzünaren ardüradünak arrenküratürik agertü dira gazte kopuru tipiaren gatik. Kirol hezkuntzak behar dütüan ahalak eman behar zaitzo erran düe alkarteko kideek. Horrez gain, pilota Eüskal kültüraren parte bat izatez lagüntü behar zaio bere geroaren segürtatzeko. 177 kideekin eta 2000 euroko irabaziarekin pilota batarzüna osagarri honean da. Üdako zesta punta lehiakak ez dütü lehen bezala kontüak orekatzen eta behar ere igaran urtean lagüntzaleen ekarpena handizki emendatü dela. Txapelketa ezbardinetan kausitürik izan diren emaitza honak azpimarratütik izan dira, bai eta ere orai batarzünean diren 13 emazte gazteen parte hartzea. Düala 2 urte izan ziren eztabadak gibelean ützirik, sekülan beno giro hona agertzen da Mauleko pilota batarzünean.

Entzün Richard Lafuente SAM Pilota batarzünako lehendakaria :

Mendikotako « Neska Gaitz » emazte rügbi taldea düala 3 urte sortü zen eta iragan urtean Federale 2 mailara heltü zen. Castres, Narbonne, Perigueux, Lons 2 ala St-Yriex bezalako taldeen kontre ari izan da sasu berri hontan. Hiru garaipen, berdintze bat eta 2 galtzerekin bere multxoa erditan sailkatzen da. Xiberoko taldea maila berri hontan bere leküa egiten ari da eta ametsez beterik berriz hasiko dira urtarrilaren 23an Lonseko zelaian. Bestalde, beste urtez egiten züan urteko egütegiaren ordez, aldizkari berezia plazaratzen dü urte hatsarre hontan, non ere argazkiak, algarrizketak eta beste ikusten ahal düen. Aldizkaria üsatü leküetan erosten ahal da 8 eurotan.

Entzün Christelle Harislür "Neska Gaitz" rügbi taldeko jokülaria :

Mauleko Ziklismo batarzüna eta Euskadi Txirrindularitza Irakaskundearen arteko partaide hitzarmena lüzatürik izan da igaran neskenegünean egin den Mauleko Ziklismo batarzünaren Biltzar Nausian. Hitzarmenaren bidez, Mauleko taldeak Irakaskundearen lagüntza teknikoa ükenen dü, gazteen trebatzeko, prestatzeko eta beren jarraikiaren hobeki egiteko. Bestalde, NaturGaz talde amatüraren koloreekin lasterketak eginen dütüe hebenko gazteek 2011an Hego Eüskal Herrian. Euskadi Txirrindularitza Irakaskundearen ordezkariak ez dira eskü hütsik jin igaran neskenegünean. Auto bat ekarri düe eta ondoko egünetan Orbea markako 16 txirrindula helaraziko dütüe. Mauleko Ziklismo batarzüna eta Irakaskundearen algarrekilanko lana 1997an hasi zen eta orano lüzaz iraün behar lüke. Euskadi Txirrindularitza Irakaskundeak, Euskadi Euskaltel, Orbea eta NaturGaz txirrindula taldeak kudeatzen dütü.
Entzün Jesus Aizkorbe Irakaskundearen komünikazio ardüradüna :


Entzün Jean Claude Aguer Mauleko Ziklismo ardüradüna :

Ausaz

Kronika

Emankizüna

Artxiboan