XÜXENEAN ENTZÜN

Kirola

Jente haboro errezebitüko lüke trinket berriak.Atharratzen badira urteak trinketa ez dela baliatürik. Alta, zonbait orit dira lehenago Basabürüko partidetan zonbat jente biltzen zen. Hargatik, SAM Mauleko pelota batarzünak eta Atharraztarrak Atharratzeko pelota batarzünak bat egin düe trinketa zaharberritzeko. Xede handia plantatü düe, bitrezko mürrü bat altxatü gei beitüe eta erran gabe doa, jente haboro errezebitzen ahal lüküan trinketa egin nahi lüküe.
Holako lanek sos behar beitüe, bi pelota batarzünez gain Atharratzeko herriak, Xiberoko herri alkargoak, Akitaniak eta Kontseilü Orokorrak hitz eman düe Gisa hortako bitrezko mürrüa  ükenen lüke.parte hartüko züela.
Xehetarzünentako, entzün Mauleko pelota batarzüneko Philippe Etxegoien :

Zesta puntan, gehitüetako bigerren maila.Xiberotik kanpo hasi zen ostiralean pelotakarien astebürüa, Olueko trinketean jokatü beitzen berezkoen kanporaketa partida bat Frantziako txapelgoan. De Ezkurra eta Etxeberri nagusitü ziren 40 eta 30 Ibarrola eta Ducassouren kuntre.
Ondotik, neskenegünean, Mauleko pelota plazetan bazen partida ejerrik. Alde batetik Jai-Alaian, Kévin Ithürria eta Nicolas Eiheregarai bi finaletan ari ziren ; artekoetan nagusitü ziren Hossegorreko Mickael Lesbat eta Pierre Etxeberriren kontre (35 - 25), eta galdü gehitüetako bigerren mailan Donibane Lohitzünetik jinik ziren Arnaud Sallato xiberotarraren eta Philippe Etxeberriren kontre (35 - 29).
Glaria trinketean aldiz, bi mauletar ari ziren bürüz-bürüka hirugerren mailan, eta Xabi Hegiaphalek 40 eta 26 irabazi züan Romain Escudero. Ondotik, lehen mailan, Marritzeko Alain Hegiabeherek aisa irabazi züan Abarratiako Bixente Oihenarten kontre, 40 eta 19.
Entzün Kévin Ithürria, zesta puntan garaile artekoetan eta galzale gehitüetan :


Entzün zesta puntan gehitüetako bigerren mailan irabazle izan den Arnaud Sallato :

Neska gaitzen egütegian, üztailako argazkiaRügbia ez da gizonen afera. Azken urteetan, Neska gaitzek ontsa erakutsi düe beren balioa Mendikotako rügbi zelaian. Hatsarrea gaitza izan bazen, trebatzeko denbora hartü düe, taldea handitü, eta orai kausitzen dütüen emaitzak ez dira ahalkegarriak. Bena Mendikotako neskatilen rügbi taldea ez da kirol emaitzetara mügatzen. Gizon talde haboroenek ez bezala, beren gastü ezberdinen pagatzeko berek dütüe sos ütürriak atzamaiten. Iragan urtean hasi ziren, eta aurten ere egütegi bat saltzen ari dira. Iragan urtean erri egingarria nahi izan züen egin, aurten berriz -ikus argazkia- feminitatea agerrarazi nahi izan düela erran deigüe. Entzün Christelle Harislur, taldeko kidea :


Eta xehetarzün haboroentako, ikus beren bloga heben klikatzez.

Aurkezpenean Mixel Etxebest (Mauleko herriko etxea), Mikel Uzkudun (ESAIT) eta Joseph Rekalde (SAM)ESAIT (Eüskal Selekzio baten Aldeko Iritzi Taldea) eta SAMeko pirripita (bizikleta) taldeak berriz ere jüntatü dira Irati Tourraren prestatzeko. Iragan urteko arrakasta ikusirik, aurten bi egünetara lüzatü düe pirripita ibilaldia. Berrikuntza hortaz gain, formüla ez kanbiatzen : bi ibilbide, bata bestea beno aisagoa, eta lehiaketa nahi düenentako baizik eta kilometra gütietan.
Üztailaren 3an, Mauletik abiatüko dira ziklistak Maulerat ützültzeko, eta artean kronometratürik datekean parte bat egitez (nahi düanak erran bezala) Iragan urteko Iratiko Tourraren abiatzea.Mendibe, Behorlegi eta Aphanizen gainti. Zonbaitek 100 kilometra eginen dütüe, besteek 64. Biharamünean, hor ere Mauletik Maulerat, bena Larraine eta Bagargi zeharkatzez (kronometratürik izateko paradarekin), Burdinkurutzetatik eta Gamiatik iragaitez.
Erran behar da Irati Tourran lasterketa puxka zonbait badira ere, ibilbide kronometratüak ürrentü ondoan, taldeak berriz bat eginen düala, lehenek azkenak egükitzez, denak ber denboran heltzeko gisan. Izenaren emaiteko edo ibilbideak hobeki ezagützeko ikus web güne hau : www.iratikotourra.com.
Entzün SAMeko Jean-Claude Ager :

Karkailaren aitzineko hitzordü batetan hartürikKarkailak haurrentako antolatzen düan ondoko hitzordüa astelehenean (abentüaren 21ean) izanen da Kemen alkarteko Jose Perezekin. Pagolan bizi den gizon horrek arte martzialak erakasten dütü, eta eüskaraz. Egitaraua adinaren arabera antolatürik izanen da Mauleko karate gelan : 
3 eta 6 urte artekoak goizanko 10.30tarik egüerditara
7 eta 13 urte artean arrestiriko 2.30tarik 4.30tara
Aldi oroz bi talde izanen dira, adinen arabera eta parte hartzea 3 eurokoa.
Izenen emaiteko deit : 05 59 28 28 25 edo 05 59 19 17 59
Entzün Maider Sarasola :

Ausaz

Kronika

Emankizüna