Berriak
![Herrietako berriak](/media/plg_jspeed/cache/images/0775a953447c139828ddd03b391b03d88a322284.jpg)
Herrietako berriak
Crédit Agricoleren eskerrak Xiberotar zonbaiter
2010an Xahakoa pastorala Barkoxen
Medaila andana bat Mauletarrentako
68. Mendi tinietako lasterketa kanbiatürik
![Laborantxa eskolaren sartzea](/media/plg_jspeed/cache/images/3f21493c20f9b7489ad2d5828d56d685d83f4aac.jpg)
Laborantxa eskolaren sartzea
Ausaz
Kronika
![Non bada zer](/media/plg_jspeed/cache/images/c2d56709dc51a861f62b1a0a9f10574980b0d2c1.jpg)
Betzüla trinketeko zazpigerren lehiaketa astebürü hontan jokatüko da Larrainen. Agorrilaren 20an ostiralearekin arratseko 8 orenetan lehen final-erdian Bielle eta De Escurra II, Lambert eta Harismendyren etzean ariko dira. Bigerren final-erdian aldiz, arratseko 9etan Ibarolla eta Ducassou ariko dira Patrick De Escurra eta Oçafrainen kontre. Ontsalaz, Etcheverry ari behar zen Oçafrainekin bena mankatü delakoz Patrick De Escurra haren partez ariko da. Mementoko pelotakari hoberenak ikusten ahalko dira. Iganteko finalan goizanko 10 orenetan, aitzin partidan bürüz bürüka ariko dira, ondotik 11 orenetan dateke Betzüla trinketeko finalisten lehiaketa. Lekü güti baratzen delakoz, hobe da aitzinetik sartzea erreserbatzea Larraineko herriko etxealat deitzez (05.59.28.62.80). Finalatik landa bazkaria ere izanen da bena ez da haboro lekürik.
Entzün Johañe Accoceberry :
Mendi martxak astearte hontan ürrentü dü ipar Eüskal Herriko etapa Maulen. Artzen Letona gure lankideak Donapaleütik Maulerat egin düen bidea jarraiki dü. Ebi erauntsi ttipi batez gain, denbora ejerra üken düe. Goizanko 8 orenetan abiatü dira Donapaleütik, 11etan Lohitzunen oto bat bazüen haidürü sagardo freskoarekin (ikus argazkia). Arrestiriko 2 orenetan ibilaldiaz akitürik etzanaldian zirelarik, Artzenek galtozkatü dütü ESAITek (Eüskal Selekzioaren Aldeko Iritzi Taldea) antolatü ibilaldiko
partaideak.
Erran dezagün (soinüan ezagün beita) Mauleko karriketan manifestaldi baten egitez kurritü zirela. Egünaldia Mauleko arrüan ürrentü züen Zinka ostatüan, Xiberoko laborantxa, indüstria, kültüra eta gazteriaren berri hartzez, besteak beste Mixel Etxebest Mauleko aüzapezaren parte hartzearekin.
Biharamün goizean Elgetarat (Gipuzkoa) autobüsez joan ziren hantik Trebiñorat joaiteko hoinez.
Entzün Artzenek egin erreportajea :
Mauleko rügbi taldea ttipienetarik bat zen Fédérale 1 mailan. Ttipienetarik zen sos aldetik, zeren eta hebenko jokülariek sari berezi zonbaitez gain ez düe soldatarik ükeiten. Beste taldeetan berriz jokülari haboroenak profesionalak dira. Fédérale 1 mailaren goratze hori ikusi dü azken zortzi urteetan Régis Claveriek, Xiberoko Botzean eta Eüskal Irratietan rügbia jarraikitzen düan lagüntzaleak.
Entzün Régis Claverie :
Nahi dena lehiatzen ahalko da Iratiko Tourran üztailaren 3 eta 4an. Bena ESAIT (Euskal Selekzioaren Aldeko Iritzi Taldea) eta SAM (Sport Athlétique Mauléonais) taldeek alkarrekin antolatü bizikleta ibilbidearen xede nagusia ez da lehiaren sortzea. Iragan urtean egün batez egin zen, bena aurten, parte hartze handia ikusirik, bi egünez dateke eta kilometra haboroekin. Neskenegünean bi ibilbide badirateke zankosagarren araberakoak : bata 60 kilometrakoa eta bestea 100ekoa, Apanizeko lepoa zeharkatüko düana. Xehetarzün güzientako eta izenen emaiteko, klika heben.
Entzün Jean Claude Ager (SAM) :
Atharratzen badira urteak trinketa ez dela baliatürik. Alta, zonbait orit dira lehenago Basabürüko partidetan zonbat jente biltzen zen. Hargatik, SAM Mauleko pelota batarzünak eta Atharraztarrak Atharratzeko pelota batarzünak bat egin düe trinketa zaharberritzeko. Xede handia plantatü düe, bitrezko mürrü bat altxatü gei beitüe eta erran gabe doa, jente haboro errezebitzen ahal lüküan trinketa egin nahi lüküe.
Holako lanek sos behar beitüe, bi pelota batarzünez gain Atharratzeko herriak, Xiberoko herri alkargoak, Akitaniak eta Kontseilü Orokorrak hitz eman düe parte hartüko züela.
Xehetarzünentako, entzün Mauleko pelota batarzüneko Philippe Etxegoien :